ددغه ولایت د میوند ولسوالۍ اوسېدونکی عبدالخالق، چې په خپله ځمکه کې یې "مارکدو" کرلي دي وايي، پخوا په دغه ولسوالۍ کې په پراخه کچه کوکنار کرل کېدل، خو اوس چې د کوکنارو کرکیلې باندې بندیز لګیدلې دی، د سبزیو کرکیلې ته پاملرنه زیاته شوې ده.
هغه وویل:"چې د کښت سره ښه کار وشي بیا ښه حاصل هم ورکوي. له دې امله موږ د خپل کښت او حاصلاتو څخه زیات خوښ یوو، ځکه د ښه حاصلاتو تر څنګ، ښه مارکیټ هم لري."
په ورته وخت کې، کروندګر له حکومت څخه د خپلو حاصلاتو لپاره د سړو خونو غوښتنه کوې چې ترڅو یې حاصلات خراب نه شي.