د کندهار ولایت یو شمېر کروندګر د کرنیزو خدماتو د نشتون او مارکيټ ته حاصلاتو د انتقال لپاره د امکاناتو له کمښت څخه شکایت کوي. دوی وایي، چې دې ستونزې اړ کړي چې خپل محصولات د مارکیټ پر ځای په ټیټه بیه په پټیو کې وپلوري.
د کندهار ولایت کروندګر بهرنیو مارکېټونو ته د سږني کال د پیازو د حاصلاتو د رسېدو له امله خوښ دي. دوی وایي چې په کور دننه او بهر مارکیټونو کې د پیازو د زیاتې غوښتنې له امله کروندګرو په پراخه کچه د پیازو کرکېلې ته مخه کړې ده.
کندهارۍ ګندنه د افغانستان په زیاترو ولایتونو کې مشهوره ده او په ګڼو سیمو کې ښه مارکېټ لري. شمس الله د کندهار ولایت یو کروندګر وایي، چې د کندهار تود اقلیم د ګندنې کرکېلې لپاره مناسب دی. هغه زیاته کړه، چې د مني په وروستیو او ژمي میاشتو کې د کندهار ګندنه هغو ولایتونو ته لېږدول کېږي چې هوا یې سړه وي.
د طالبانو حکومت له خوا د کوکنارو پر کرکیله د بندیز له اعلان وروسته، کروندګرو په بېلابېلو ولایتونو کې بدیلو کښتونو ته مخه کړې ده، خو دوی شکایت کوي چې د بدیلو کښتونو حاصلات د مارکېټ له اړتیا ته زیات شوي او له همدې امله په بازار کې د حاصلاتو بیې راټيټې شوې دي.
په کندهار کې کروندګر وایي، چې سږ کال د پنبې حاصلات زیات شوي خو په مارکېټ کې یې بیې بیا ټیټې دي. کروندګر سردار ولي چې پخوا یې د کوکنارو کښت کاوه، وایي په کندهار د تریاکو د بدیلو کښتونو په لړ کې اوس هڅه کوي هغه کښتونه وکري چې حاصلات یې ډير او ګټه یې هم ښه وې.
په کندهار کې کروندګرو د کوکنارو د بدیلو کښتونو په لړ کې د ګلپیو کر ته مخه کړې ده. که څه هم د ګلپیو کښت په ختیځو ولایتونو کې ډېر رواج لري، خو اوس په کندهار کې هم کرل کیږي.
په کندهار کې يو شمېر کروندګر چې پخوا به يې کوکنار کرل، اوس د سنځلو د نویو باغونو جوړولو هڅې کوي. دوی وایي که څه هم د سنځلو بڼوالي تر اوسه په زیاته اندازه په کندهار کې مروجه نده، خو د جوړیدلو لړۍ یې پیل شوې ده.
په کندهار کې کروندګر وايي، چې د طبعي آفتونو له زیانونو سربېره، د کیمیاوي سرې لوړې بیې د دوی لپاره لویه ستونزه رامنځته کړې ده چې زیات شمېر کروندګر یې د اخیستلو توان نه لري. ع
پدې وروستیو کې په کندهار ولایت کې د لمرګلي د کرلو دود ډېر شوی او ډېری کروندګر د دې نبات د ترویج لپاره هڅې کوي. وحیدالله، چې په دامان ولسوالۍ کې کرونده لري، په خپله ځمکه کې لمرګلی کرلي ترڅو زړي یې په بازار کې وپلوري.
په کندهار کې یو شمېر کروندګر شکایت کوي چې د کیمیاوي سرې لوړه بیه او د باکیفیته اصلاح شویو تخمونو ته نه لاسرسی د دوی اقتصادي ستونزې زیاتې کړې دي. دوی وايي چې د مالي امکاناتو کمښت او د کرنیزو حاصلاتو د ښه ودې لپاره د کیمیاوي سرې اړتیا، کروندګر له جدي ننګونو سره مخ کړي دي.
ه کندهار کې یو شمېر کروندګر وایي چې د طالبانو د حکومت له خوا د کوکنارو پر کرکېله له بندیز وروسته یې د دې بوټې کرکېله بنده کړې ده، خو حکومت تر اوسه د بدیل کښت او اقتصادي ملاتړ په برخه کې ورسره هېڅ مرسته نده کړې.
په کندهار کې یو شمېر کروندګر له سږني حاصلاتو څخه خوښ نه دي او شکایت کوي چې هېڅ ګټه یې نه ده کړې. د عبدالرحیم په نوم ددغه ولایت یو کروندګر وایي، چې په خپلو ځمکو کې یې ګازرې او جوار کرلي دي، خو سره له دې چې اوبه هم ډېرې وې، د حاصلاتو څخه یې هیڅ ګټه نده تر لاسه کړې.
د کندهار ابجوش ممیز چې ددې ولایت د انارو په څېر په سیمه ایزه او نړیواله کچه شهرت لري، تولیدونکي یې وایي چې د دې ممیزو لپاره مناسبه بازار موندنه اړینه ده. د کندهار د پنجوايي ولسوالۍ اوسیدونکی عبدالخالق وایي، چې د ابجوش جوړولو فصل د دوی لپاره د خوښۍ موسم وي، ځکه چې دا بهیر د یوې مېلې فضا رامنځته کوي.
په کندهار کې کروندګر وایي چې سږ کال پدغه ولایت کې اوبه ډیرې دي او له همدې امله یې د ژمي د کښتونو کرکېلې له اوسه پیل کړې دي. د حمیدالله په نوم د دغه ولایت یو کروندګر وايي، چې د پیازو د کښت لپاره یې دوه جریبه ځمکه په اجاره نیولې او اوس غواړي چې د ژمي لپاره په کې پیاز وکري.
په کندهار کې یو شمېر کروندګر وايي چې سږ کال د نباتي آفتونو له امله د غنمو حاصلات نه یوازې کم او بې ګټې وو، بلکې له خپلو ځمکو څخه یې هیڅ ګټه هم نه ده ترلاسه کړې. دغه کروندګر وايي، چې اوس یې د جوارو او ریحانو فصلونو ته مخه کړې او تمه لري چې د دې فصلونو حاصلات به ښه وي.
په کندهار او شاوخوا ولایتونو کې چې پخوا په زیاته کچه په کې کوکنار کرل کېدل، اوس ډېری کروندګرو بدیلو کښتونو ته مخه کړې ده. د احمدالله په نوم ددغه ولایت یو تن کروندګر وایي چې په خپلو پټیو کې یې ګلپي کرلي چې ښه وده یې کړې ده.
په کندهار کې د انګورو بڼوال او سوداګر وایي چې سږ کال د انګورو په کاروبار کې له سختو مالي زیانونو سره مخ دي. دوی د دې ستونزې لوی لامل پاکستان ته د انګورو په صادراتو د زیاتو مالیاتو وضع کول بولي.
د کندهار کروندګر نیک محمد وایي چې سږکال اوبه زیاتې وې، خو ږلۍ یې حاصلاتو ته زیان رسولی دی. هغه وايي چې د ږلۍ له امله یې پالیزونه خراب شوي او د حاصلاتو کچه راټېټه شوې ده. نیک محمد شکایت لري چې نه حکومت او نه خیریه مؤسسې د ږلۍ له امله زیانمنو کروندګرو سره مرسته کړې ده.
په کندهار کې د کوکنارو یو شمېر پخواني کروندګر چې د طالبانو د حکومت لخوا د کوکنارو پر کرکیلې د بندیز وروسته د بدیلو کښتونو لکه تور بانجان کښت کوي، وایي چې دغه کښتونه د کوکنارو د ګټې ځای نشي ډکولی.
له پاکستان څخه یو شمېر نوي راستانه شوي کډوال چې اوس وخت په کندهار ولایت کې مېشت دي، د سبزیو په کرکېله بوخت دي، خو دوی ګیله لري چې پدې برخه کې ور سره نه حکومت او نه هم خیره مؤسسو مرسته کړې ده
نور پورته کول
