په دې پروګرام کې چې د دواړو هیوادونو ګڼ شمېر ځوانو خبریالانو برخه اخیستې وه، د پولیو د له منځه وړلو په اړه د اغیزمنو راپورونو جوړولو پر میتودونو او د خلکو د پوهاوي کچې د لوړولو پر لارو چارو خبرې اترې وشوې.
پولیو یوه خطرناکه ناروغي ده چې په ځینو سیمو کې لا هم فعاله ده او د ماشومانو د فلج کېدو سبب ګرځي. د دې ناروغۍ د له منځه وړلو لپاره د عامه پوهاوي زیاتول او په دې برخه کې د رسنیو ونډه خورا اړینه بلل کېږي.