د خیبر پښتونخوا په پيښور کې ځايي تولید شوي عطرونه خورا مشهور دي. د هټیوالو په وینا، د روژې په میاشت کې د عطرونو کارول زیاتېږي. اوس وخت، د پېښور په بازارونو کې له ۱۵ څخه زیات ډول ډول عطرونه موندل کېږي، چې بیې یې له څلور سوه څخه تر څلوېښت زرو پاکستاني روپیو پورې دي.
د بلوچستان ایالت په کويټه کې ميشتې هغه افغان کډوالې نجونې چې د لوړو زده کړو په خاطر پاکستان ته کډوالې شوې، وايي په دې وروستيو کې د پاکستان د حکومت دې اعلان اندېښمن کړي، چې بې اسناده او د افغانستان تابعيت لرونکي کډوال به د مارچ تر ۳۱ مې له پاکستان څخه وځي.
د بلوچستان په ژوب کې یوې غیر حکومتي موسسې د سیمې ځوانانو ته د صابون جوړولو په ګډون د راز راز حرفوي زده کړو زمینه برابره کړې. حبیب الرحمن، چې په دې پروګرام کې روزل شوی، وايي چې د زیتونو له تېلو د ښکلا صابون جوړوي.
په داسې حال کې چې ټوله نړۍ کې نن د مارچ اتمه، د ښځو د حقونو ورځ نمانځل کیږي، افغانو ښځو په پېښور کې له پاکستان څخه د جبري ستنولو پرضد لاریون وکړ. دوي وایي په افغانستان کې ښځې د کار، زده کړې او له ګڼ شمېر محدودیتونو سره مخ دي، په دې شرایطو کې د دوی بیرته لیږل د دوی ژوند له خطر سره مخ کوي.
په پاکستان کې د افغان کډوالو پر وړاندې د سختو اقداماتو له امله، د شاتو مچیو ډېرو افغان پالونکو خپل کاروبارونه په بشپړه توګه تړلي دي.
په دې وروستيو کې د پاکستان حکومت خبر ورکړی چې قانوني اسناد نه لرونکي افغان کډوال بايد د مارچ تر ۳۱مې نېټې خپل هيواد ته ستانه شي، که داسې ونه کړي په جبري توګه به له پاکستان څخه وايستل شي. ندا عزيزي یوه افغانه هنرمنده ده چې په کویټه کې اوسي او چې وايي افغانستان ته بېرته ستنېدل ورته د مرګ په معنی دي.
ځوانانو ته د اقلیم د بدلون ننګونو سره د مقابلې په اړه د پوهاوي په موخه یوه غونډه جوړه شوې چې پکې د مختلفو برخو ځوانانو ګډون کړی و او د چاپیریال ساتنې په موخه یې خپل وړاندیزونه او حل لارې وړاندې کړې. شاهین افریدی- امریکا غږ
د پاکستان د بلوچستان ایالت چارواکو غيرقانوني او افغان تابعيت کارټ لرونکو افغان کډوالو ته د مارچ تر پايه افغانستان ته د ستنېدو ويلي چې د ياد امر له مخې، که په خپله خوښه ولاړ نشي، نو په جبري توګه به له پاکستان څخه ايستل کېږي. دې خبر د پاکستان په کويټه کې ميشت افغان کډوال له اندېښنو سره مخ کړي.
د بلوچستان ايالت په پښتون ميشتو سيمو کې پښتونخوا ملي عوامي ګوند او د پښتونخوا نېشنل عوامي ګوند د زده کوونکو او محصلینو څانګو د زده کړو په هکله د عامه پوهاوي زياتولو په خاطر لاريون کړی چې پکې یې پر طالبانو هم غږ کړی چې د نجونو پر وړاندې دې د لوړو زده کړو د ادارو دروازې بېرته پرانيزي
د خیبر په لنډیکوتل سیمه کې د تاتارا کرکټ لوبغاړي کې روان د فاټا سوپر لیګ نوم لاندې سیالۍ خورا مشهورې دي چې پکې د شاهين شاه افریدي او عثمان شینواري په څیر د پاکستان د ملي لوبډلو ګڼ شمیر لوبغاړي لوبېدلي دي. شاهين افریدي ددغو سیالیو په اهمیت او شته ستونزو لوبغاړو او منتظمینو سره غږیدلی.
د خیبر طبي پوهنتون زده کونکو د کتابونو درې ورځنی نندارتون جوړ کړی چې پکې د پښتو، اردو او انګلیسي ادبیاتو سربیره، د طبابت، ساینس او څیړنې په برخو کې لیکل شوي کتابونه نندارې ته وړاندې شوي. تنظیموونکي وایي د دوي موخه د کتاب لوستلو دود ته وده ورکول دي.
کويټه کې په "آبه سکين" پېژندل شوې يوه افغان کډواله چې د کالیو د پلور خپل دوکان لري، په انلاين بڼه هم کاروبار کوي چې دا مهال د کويټې يو له مشهورو متشبثينو څخه ګڼل کېږي. سالمين خپلواک یې په اړه راپور لري.
نور پورته کول
