د کندهار یو کروندګر مولاداد وایي، چې سږ کال د ګازرو حاصل ښه دی، خو ټیټه بیه یې لویه ستونزه ده. نوموړی زیاتوي چې اوس له بهرنیو هېوادونو څخه ګازرې نه واردېږي او د کورني مارکېټ اړتیاوې د دوی حاصلات پوره کوي، خو په خبره یې، د پلور ټیټه بیه کروندګر له ستونزو سره مخ کړي دي.
کروندګر له حکومته او خیریه موسسو غوښتنه کوي چې د کروندګرو ملاتړ وکړي، په ځانګړي ډول د موسمي آفتونو او نباتي امراضو پر مهال دې ورسره مرسته وشي.