افغانستان د لومړي ځل لپاره د ملګرو ملتونو سازمان د ښځو د وضعیت په کمېسیون کې غړیتوب ترلاسه کړ.
په ملګرو ملتونو کې د افغانستان دایمي استازولۍ ویلي چې افغانستان به په دغه کمېسیون کې له ۲۰۲۱ څخه تر ۲۰۲۵ پورې غړیتوب ولري.
دغې استازولۍ په خپل ټویټر لیکلي: "د ملګرو ملتونو په سازمان کې د افغانستان دایمي استازولي خوښه ده چې د ۲۰۲۵-۲۰۲۱ دورې لپاره د ملګرو ملتونو د سازمان د ښځو د وضعیت د کمېسیون په انتخاباتو کې د افغانستان تاریخي بریا اعلانوي. د ملګرو ملتونو په سازمان کې د افغانستان د غړیتوب راهیسې دا لومړی ځل دی چې افغانستان د دغه مهم کمېسیون غړیتوب ترلاسه کوي".
We are pleased to announce AFG%27s historic win on the election of Members of the UN Commission on Status of Women (@UN_CSW) for the term 2021-2025. Despite AFG being a member of the UN since 1946, this will be the first time AFG will occupy a seat on this important commission. pic.twitter.com/TuTbFeRRvB
— Afghanistan Mission (@AfghanMissionUN) September 15, 2020
د افغانستان جمهوري ریاست د ملګرو ملتونو د ښځو د وضعیت په کمېسیون کې د افغانستان غړیتوب ترلاسه کول تاریخي بللې ده.
د جمهوري ریاست ویاند صدیق صدیقي ویلي چې په اوس وخت کې د افغانستان ښځې د دغه هېواد د راتلونکې بڼې په بدلون کې مهم رول لري او د نړۍ په کچه د ښځو د حقونو لپاره له هر فرصت څخه په ټینګې ارادې استفاده کوي.
د افغانستان د بشري حقونو خپلواک کمېسیون ویلي چې د ملګرو ملتونو د سازمان د ښځو د وضعیت په کمېسیون کې د افغانستان د غړیتوب ترلاسه کول د سولې د خبرو په دې تاریخي پړاو کې د افغان ښځو د اغیزمن رول او د جنسیتي برابرۍ په نړیوال خوځښت کې د هغوی د لوړ غږ ښکارندويي کوي.
پیروزی افغانستان با آرای بالا در انتخابات «کمیسیون وضعیت زنان» ملل متحد، نشاندهنده نقش اثرگذار زنان کشور و صدای رسای آنان در جنبش جهانی برابری جنسیتی در این مقطع تاریخی گفتگوهای صلح است. کمیسیون مستقل حقوق بشر افغانستان این دستاورد را به تمامی فعالان حقوق زن شادباش میگوید. https://t.co/nLz5qPoKgq
— AIHRC (@AfghanistanIHRC) September 15, 2020
د ښځو د وضعیت په اړه کمیسیون (CSW) د ملګرو ملتونو سازمان د اقتصادي او ټولنیزې شورا (ECOSOC) یو فعاله کمیسیون او د نړۍ په کچه د حکومتونو ترمنځ بنسټ دی چې په ځانګړي ډول د جنسیتي برابرۍ او د ښځو ځواکمنتیا ته د ودې ورکولو لپاره فعالیت کوي.
د ملګرو ملتونو ۴۵ غړي هیوادونه چې د دغه سازمان د اقتصادي او تولنیزې شورا له خوا ټاکل کیږي د دغه کمیسیون غړیتوب لري.