د افغانستان د کرکټ دوه وتلي لوبغاړي محمد نبي او راشد خان په لومړي ځل د اسټرالیا په مشهورو تجارتي سیالیو، بګ بش، کې لوبه پیل کړه.
محمد نبي د میلبورن رینېګیډ او راشد خان د اډلایډ سټرایکرز په لوبډلو کې دي. نبي د پنجشنبې په ورځ( ډسمبر۲۱) په خپلې لومړنۍ لوبې کې په څلورو اورونو کې ۲۵ منډې ورکړې او د مخالفې لوبډلې کپټان بیلي یې وسوځوه. راشد خان سبا لوبه لري.
د اسټرالیا رسنیو او کرکټ یو شمېر ستوریو وار د مخه پر دغو دوو افغان لوبغاړو تبصرې کړي دي.
Great start of @BBLofficial @RenegadesBBL @newbigdog47. 5 wk pic.twitter.com/O5zJGME982
— Mohammad Nabi (@MohammadNabi007) December 21, 2017
د استرالیا د لوبډلې پخوانی لوبغاړي براډ هاج په خپل ټویټر کې له نبي سره اخیستل شوی تصویر شریک کړی او لیکلي دي " له خپل نوي ګمارل شوي لوبغاړي محمد نبي سره مې سهارنۍ وخوړه. هغه په بګ بش کې د لوبېدو لیوال دی".
هاج او محمد نبي په یوې لوبډلې کې دي.
“I’m really happy to be here and can’t wait for the Big Bash to start” 👊 @rashidkhan_19 @BBL #strikeforce pic.twitter.com/WU8D9zXRzL
— Adelaide Strikers (@StrikersBBL) December 17, 2017
د راشد خان د لوبډلې اډلایډ سټرایکرز پر راشد خان بیا یو اوږد راپور لیکلی او ویلي دي چې د استرالیا د کرکټ مینوال خوښ دي چې سږکال به د راشد خان لوبه هم وویني. راشد خان هم ویلي دي چې په بګ بش کې یي لوبېدل لویه هیله وه.
محمد نبي او راشد خان تر دې مخکې د هند په آی پي ال، د ویسټ انډيز په سي پي ال او د بنګلدېش په تجارتي سیالیو کې ولوبېدل. دوې د ۲۰ اورونو د سیالیو کافي تجربه لري. دوي لومړني افغان لوبغاړي وو چې د هند او ویسټ انډیز په تجارتي سیالیو کې ولوبېدل.