د پاکستان پوځ وایي د "شاهین۲" په نامه یې یو توغندی په بریالي ډول وازمایه چې هسته یې کوپړۍ هم لېږدولی شي.
د پاکستان پوځ وايي دا توغندی له ځمکې څخه ځمکې ته تر ۱۵۰۰ کیلو مېتره پورې واټن وهلی او هدف په نښه کولی شي.
د پاکستان د پوځ ویاند اصف غفور د دغه توغندي د توغولو او بریالي ازمایل کېدو خبر په خپل ټویټر کې خپور کړی.
Successful training launch of surface to surface ballistic missile Shaheen-II conducted. Capable of carrying both conventional & nuclear warheads upto a range of 1500 KMs. Shaheen-II fully meets Pak’s strat needs towards maintenance of desired deterrence stability in the region. pic.twitter.com/I9t468wxnq
— Maj Gen Asif Ghafoor (@OfficialDGISPR) May 23, 2019
د پاکستان د پوځ اعلامیه وایي دا توغندی د پنجشنبې په ورځ (مۍ۲۳) ازمایل شوی دی او په عرب سمندر کې غورځېدلی دی.
پاکستان داسې مهال دا توغندی ازمايي چې په ګاونډ کې یې د هند ټاکنې تازه ختمې شوي دي.
دواړه، هند او پاکستان، اتومي وسلې لري او اړیکې یې هم ښې نه دي، څو میاشتې مخکې دواړو هېوادونو ادعا وکړه چې پر یو بل یې هوایي بریدونه هم کړي دي.
ي دي.