له ننګرهار ولایت څخه راپورونه وايي چې نا معلومه وسله والو یو افغان خبریال سید معروف سادات او دوه وسله وال طالبان په ډزو وژلي دي.
دا پېښه نن شنبه د اکتوبر دویمه (تلې لسمه) د جلال اباد ښار په درېیمه ناحیه کې شوې ده.
د طالبانو یو فرهنګي مسئول محمد حنیف ویلي دي چې په دغه وسله وال برید کې دوه ملکي کسان ژوبل شوي هم دي.
د برید انګیزه لا معلومه نه ده او نه هم کومې وسله والې ډلې تر دې د مه د دغه برید د کولو ادعا کړیده. خو تر دې مخکې د داعش-خراسان ډلې ادعا کړې وه چې په جلال اباد کې یې په طالبانو برید کړی دی،
د افغانستان دخپلواکو ژورنالستانو ټولنې اود ژورنالستانو دفاع کمیټې د یوې ګډې اعلامیې له لارې د خبریال سید معروف سادات وژل غندلي دي. دوی ویلي دي چې «دغه نا ځوان مردانه برید سخت خواشینې کړي او ویرولي» دي.
د افغانستان د خبریالانو د غو ټولنو د طالبانو له حکومت څخه غوښتي دي چې »ددغه برید عاملین پیدا،عدلي او قضایي ارګانونو ته» ته وروپېژني چې سزا ورکړي.
په افغانستان باندې د طالبانو د بیا واکمن کېدو وروسته (اګست ۱۵) دا لومړی دی افغان خبریال دی چې ترور کیږي.
د افغانستان دخپلواکو ژورنالستانو ټولنه اواود ژورنالستانو دفاع کمیټهپه اعلامیې کې ویلي دي چې ارواښاد سادات له دوه لسیزو راهیسې د «صبح بخیر افغانستان،» ځینو اف ایم راډیوګانو او نړیوالو اژانسونو سره د«بشپړ بې پرې او متوازن مسلکي کار ترڅنګ دکلیو بیا رغونې ریاست دمطبوعاتي مسئول په توګه»دندې تر سره کړي.