د افغانستان جمهوري ریاست وايي، له ایران سره پر پوله له یو شمېر افغانانو سره شوی جنایت د بخښلو نه دی.
د ولسمشر غني ویاند صدیق صدیقي نن چهارشنبه مې۶ (غويي ۱۷) پر خپل ټوېټر لیکلي چې د افغانستان د بهرنیو چارو وزارت دغه پېښه په جدي ډول تعقیبوي.
اعمال وحشيانه و غیر انسانی كه باعث شهادت شماری از شهروندان مظلوم ما در مرز با ایران گردید،جنایات نا بخشودنیست. وزارت امور خارجه جمهوری اسلامی افغانستان این رویداد اسف بار را، به منظور تامین عدالت،به گونه جدی پیگیری می کند.
— Sediq Sediqqi (@SediqSediqqi) May 6, 2020
د تیرې شنبې په ورځ په هرات ولایت کې یو شمېر افغان کاریګرو له هغوی سره د ایراني سرحدي ځواکونو لخوا د بند چلند ادعا وکړه.
یادو کسانو ویلي ۵۰ تنه افغان کاریګر چې په غیر قانوني توګه د کار کولو لپاره ایران ته اوښتي وو، د ایراني سرحدي ځواکونو لخوا بیرته افغانستان ته د شړلو پر مهال په «دهانه ذوالفقار» سیمه کې وهلي ټکولي او په زور سره سیند ته اچول شوي چې یوازې ۱۲ تنه یې ژوندي پاتې شوي دي.
د افغانستان د بهرنیو چارو وزارت سرپرست محمد حنیف اتمر هم ویلي چې په دې اړه څېړنې کوي.
ظلم و وحشتی که باعث شکنجه و شهادت مردم مظلوم ما در مرز افغانستان و ایران گردیده، خاطر ملت ما را به شدت اندوهگین ساخته است. این غم، غم مشترک ماست. به هموطنان خویش اطمینان می دهیم که تا رسیدن به حق و عدالت این جنایت نابخشودنی را با تمام امکانات دیپلماسی کشور پیگیری خواهیم کرد. pic.twitter.com/3Pm9xpK3N5
— Mohammed Haneef Atmar محمد حنیف اتمر (@MHaneefAtmar) May 5, 2020
له ایران سره پر پوله د افغان کاریګرو سره د ایراني سرتیرو د بد چلند په اړه راپوورنه، د امریکا د بهرنیو چارو وزارت، د مهاجرت نړیوال سازمان او د افغانستان د بشري حقونو د خپلواک کمېسیون لخوا غندل شوی او په دې اړه یې د څېړنو غوښتنه کړې ده.
د جنوبي او مرکزي اسیا په چارو کې د امریکا د بهرنیو چارو وزارت مرستیالې الیس ویلز تیره ورځ په دې اړه وویل:"له کډوالو سره د ایران د بې رحمانه چلند او ناوړه استفادې په اړه چې په دغه راپور کې ادعا شوې، وحشتناکه ده، موږ په دې اړه د هر اړخیزو څېړنو څخه ملاتړ اعلانوو."
د ا په داسې حال کې ده چې تر دې مخکې د ایران د بهرنیو چارو وزارت ویلي و چې دغه پېښه د افغانستان په خاوره کې رامنځته شوې ده.