د افغانستان د کرکټ ملي لوبډله د جمعې په ورځ (مۍ ۲۴) د پاکستان د کرکټ له ملي لوبډلې سره یوه تمریني سیالي لري.
دا لوبه د نړیوال جام لپاره د تیاریو یوه برخه ده چې ګټل او بایلل يې د لوبډلو پر نړیوالې درجه بندۍ کوم تاثیر نلري، خو له شک پرته چې ګټونکي به نړیوال جام ته په ښه مورال سره درومي.
افغانستان او پاکستان تر دې دمه دوې یوه ورځنۍ رسمي نړیوالې لوبې کړي دي چې پاکستان ګټلي دي. د افغانستان کرکټ بورډ په خپل ټویټر کې لیکلي دي چې لوبډله یې لندن ته رسېدلې چې د نړیوال جام سفر پیل کړي.
Afghanistan arrives in England to begin @cricketworldcup campaign. @ACBofficials will play two warm up games against @TheRealPCB & @ECB_cricket on 24th & 27th May. @cricketworldcup will start on 30th May while @ACBofficials play its first match on 1st June against @CricketAus pic.twitter.com/YJ54LVW64Q
— Afghanistan Cricket Board (@ACBofficials) May 23, 2019
افغانستان د دوشنبې په ورځ (مۍ۲۷) له انګلنډ سره هم یوه تمریني لوبه لري. انګلنډ د ۲۰۱۹م د نړیوال جام کوربه دی او یوه وړاندوینه دا هم کیږي چې ښایي انګلنډ دا نړیوال جام وګټي.
انګلنډ او افغانستان تر دې دمه یوه نړیواله لوبه کړې چې هغه هم انګلنډ ګټلې ده. په نړیوال جام کې افغانستان لومړنۍ لوبه د جون په لومړۍ نیټه له استرالیا سره کوي.
د افغانستان د کرکټ ملي لوبډله له شاوخوا دریو اونیو راهېسې په برتانیا کې ده چې د نړیوال جام سیالیو ته چمتوالی ونیسي. افغانستان له ایرلنډ او سکاتلنډ سره لوبې وکړې. له سکاتلنډ څخه یې وګټله او له ایرلنډ سره یې د دوو لوبو لړۍ ۱-۱ مساوي کړه.