افغانستان کې د نجونو د سکېټ زده کړې په اړه یو مستند فلم د اوسکار جایزه وګټله.
د فلم نوم (په یو جنګ ځپلي هېواد کې د نجونو سکېټ بورډ) دی چې د لنډو مستندو فلمونو په برخې کې جایزې ته نوماند و. دغه فلم د ۲۰۲۰ کال د اوسکار جایزه پرون ماښام (دو شنبه د سلواغې ۲۱) ترلاسه کړه.
دا فلم چې په ۲۰۱۷ کې افغانستان کې جوړ شوی، داستان یې په هغو افغانو نجونو څرخي چې سره ده ډېرو ستونزو د سکېټ بورډ زده کړه کوي.
امریکایۍ فلم جوړونکې کارل دیسینګر چې له ۲۰۰۵ زېږدیز کال راهیسې افغانسان کې په فلم جوړولو بوخته وه، دغه فلم جوړ کړی او برېتانیوۍ الینا اندریچیوا د یاد فلم ډایرکټري کړې ده.
اغلې داسینګر په هغې ویډیو کې چې د اوسکار په ټویټر پاڼې کې خپره شوې افغان انجونې زړه وړې بللي دي "افغان انجونې زړه وړې دي، د دوي ښوونکي دوی ته ښيي چې دوی باید خپل غږ جیګ کړي او ووايي چې زموږ مخه دې څوک نه نیسي."
#Oscars Moment: "Learning to Skateboard in a War Zone (If You%27re a Girl)" wins for Best Documentary Short. Carol Dysinger and Elena Andreicheva (@_Andreicheva) accept their Oscars. pic.twitter.com/PJThEPxXJJ
— The Academy (@TheAcademy) February 10, 2020
په عین حال کې د افغان فلم مشرې صحرا کریمي په خپل ټویټر پاڼې کې ویلي"که څه هم دا فلم په افغانستان کې پرته له جواز نه جوړ شوی خو دا چې د اوسکار جایزه یې ګټلې ترې خوښ یو."
خوشحالم برای این فیلم با اینکه بدون مجوز از افغان فیلم ساخته شده است. منتها همینکه نام افغانستان در اسکار درخشیده است؛ خوشحالیم.مبارک👍 https://t.co/xQkZ8gWMDX
— Sahraa Karimi/ صحرا كريمي (@sahraakarimi) February 10, 2020
دغه فلم تېره اونۍ، بریتانیا کې د بفاتا په نامه د لنډو فلمونو جایزه هم ګلتې وه.
په ټولنیزو رسنیو کې هم دغه فلم ته د اسکار جایزې د ورکولو په اړوند پراخې تبصرې او ستاینې شوي دي. د فرانسې خبري اژانس د امریکا غږ د ژورنالیستې ښایسته سعادت لامع یو ټویټ راخیستې چې په کې یې لیکلي دي: "زمونږ زړورو نجونو ته مبارکي وایم. دا ټولو افغان نجونو ته ویاړ دی. دوی جنگ ځپلې سیمه کې په خپل ورځني ژوند کې له سختو واقعیتونو سره مخامخ دي، خو بیا هم مخ په وړاندې ځي."
Congratulations to our brave girls! This is a proud moment for all Afghan GIRLS! They face harsh realities of everyday cruel life in a war zone but keep moving forward! #Afghanistan https://t.co/VRqdtEnFs6
— Shaista Sadat Lameh (@ShaistaLameh) February 10, 2020
دا مستند فلم په ٢٠١٧ کال کې په افغانستان کې جوړ شوی دی.