په پاکستان کې چارواکي وايي د سکرو ډبرو په یو کان کې چاودنې شپږ کان کېندونکي وژلي دي.
چاودنه د بلوچستان په ایالت کې شوې ده.
رویټرز خبري اژانس وایي چاودنه د میتان ګاز اخراج کولو له کبله شوې ده.
د چین خبري اژانس سینهوا وايي کان کېندونکي تر چاودنې مخکې له کان څخه ویستل شوي وو.
لا د کان کیندونکو هویت معلوم شوی نه دی. په بلوچستان کې اکثریت کان کېندونکي چینایان دي.
دلته وخت ناوخت په کانونو کې د کان کېندنو پر مهال چاودنې کیږي.
څه مخکې نا معلومه وسله والو په بلوچستان کې یو شمېر افغان کان کېندونکي ووژل.
افغانستان له پاکستان څخه د دغې پېښې د تحقیق غوښتنه کړې وه. خو لا یې نتیجه رسمي اعلان شوی نه دی.