وروسته له هغې چې د طالبانو له لورې د کابل پوهنتون د حقوقو د پوهنځي د استاد فیض الله جلال د نیولو په اړه رپوټونه خپاره شول، د بشري حقونو زیات شمیر مدافعینو د هغه د خوشې کیدلو غوښتنه وکړه.
د فیض الله جلال لور حسینه جلال، په یو ټویټ کې د خپل پلار نیول کیدل تائید کړي دي.
هغې لیکلي: پداسې حال کې چې دغه د اندیښنې وړ خبر تائیدوم د خپل پلار استاد فیض الله جلال د سمدستي خوشې کیدلو غوښتنه کوم.
As I confirm this disturbing news, I ask for the immediate release of my father Professor Faizuallah Jalal. @DeborahLyonsUN @rina_amiri @amnesty @ScholarRescu @RamizAlakbarov @unafghanistan @heatherbarr1 @pagossman @UNWatch @hrw @bbclysedoucet @usa4afghanpeace#FreeJalal https://t.co/05suAic8ri
— Hasina Jalal (@HasinaJalal) January 8, 2022
د طالبالنو ډلې تر اوسه د کابل پوهنتون ددغه استاد د نیولو په اړه په رسمي توګه نظر ندی څرګند کړی خو داسې ګمان کیږي چې هغه به د طالبانو پر حکومت باندې د انتقادونو په وجه نیول شوی وي.
د طالبانو د حکومت یوې سرچینې د نوم د نه ښودلو په شرط د ازادۍ رادیو ته ویلي چې استاد جلال د هغو "تورونو" په خاطر چې د طالبانو د حکومت "پر ځینو مسولینو او ادارو" یې لګولي دي د پلټنو لپاره غوښتل شوی دی.
د بشري حقونو د اسیا د څانګې مشرې پاتریشیا ګاسمن هم په خپل ټویټر پاڼه لیکلي دي چې: «طالبانو هیڅکله انتقادونه او د بیان ازادي نده زغملې. هغه [استاد جلال] باید سمدستي خوشې شي.»
Taliban never have tolerated criticism or free speech. He should be released immediately. https://t.co/DQpmcO6B5W
— Patricia Gossman (@pagossman) January 8, 2022
پدې ترڅ کې د بخښنې نړیوال سازمان د اسیا څانګې هم د ښاغلي جلال نیونه غندلې او په یو ټویټر یې لیکلي چې هغه د ازادۍ د بیان د حق نه د استفادې او په یوه تلویزیوني خپرونه کې په طالبانو باندې د انتقاد په دلیل نیول شوی دی.
دې سازمان د طالبانو له مقاماتو غوښتي چې له شرط او قید پرته ښاغلی جلال سمدستي خوشې کړي.
د کابل پوهنتون استاد فیض الله جلال چې د اوږدې مودې راهیسې د رسنیو سره د سیاسي شنونکي په توګه مرکې او خبرې کوي د لړم په میاشت کې یې د کابل په یو خصوصي تلویزیون کې د طالبانو د یو ویاند سره په بحث کې لفظي شخړه وکړه او پر طالبانو یې سختې نیوکې وکړې.
ددغه بحث ځینې برخو په ټولنیزو رسنیو کې تاوده بحثونه رامنځته کړل.