په کابل کې د خورشید خصوصي تلوېزیون د خبریالانو پر موټر پرونۍ چاودنه په پراخه کچه غندل شوې ده.
د افغانستان د کورنیو چارو وزارت وايي، پرون شنبه د مې ۳۰ (غبرګولې۱۰) څه باندې څلور بجې د کابل ښار د څلورمې ناحیې اړوند (ګل سرخ او چهار راهي ترافیک) ترمنځ سیمه کې د خورشید خصوصي تلويزیون د عملې پر موټر د سړک غاړې ماین چاودنه وشوه.
د یاد وزارت د معلوماتو په اساس په دغه چاودنه کې د خورشید تلویزیون دوه کار کوونکي وژل شوي او څلور ټپیان شوي دي.
د خورشید تلویزیون د خبري څانګې مدیر جاوید فرهاد فرانس پرس خبري اژانس ته ویلي چې چاودنې پرمهال د دغه تلویزیون ۱۵ کار کوونکي په موټر کې و.
په دغه برید کې پنځه تنه نور هم ټپیان شوي چې د دوو تنو وضعیت خراب ښودل شوی دی.
دغه چاودنه په کابل کې د امریکا سفارت، د بخښنې نړیوال سازمان او د خبریالانو د ملاتړ بنسټونو لخوا په پراخه کچه غندل شوې ده.
په کابل کې د امریکا سفارت د یاد برید په غندلو سره پر رسنیو برید د افغانستان پر پرمختګ برید بللی دی:"پر رسنیو برید د بیان پر ازادي او افغانستان پر پرمختګ برید دی، د قربانیانو له کورنیو سره ژوره خواخوږي څرګنده و،موږ د خپلواکو رسنیو تر څنګ یو، او په افغانستان کې سولې ته د رسېدو لپاره سخت کار کوو."
We condemn the vicious attack that killed two employees of Khurshid TV. Attacks on the media are attacks on Afghanistan’s freedom and progress. Our deepest condolences to the families of the victims. We stand with free media and are working hard for a peaceful #Afghanistan. https://t.co/Mizaq1m6Kp
— U.S. Embassy Kabul (@USEmbassyKabul) May 30, 2020
د بخښنې نړیوال سازمان هم د خورشید تلویزیون پر کار کوونکو برید یو وحشتناک جنایت بللی دی.
دغه سازمان هم پر خپل ټوېټر لیکلي:"د خورشید تلویزیون پر کار کوونکو برید یو وحشتناک جنایت دی، دا د هغو ګواښونو بیانونکی دی چې د افغانستان ژورنالستان د کار د جریان پر مهال ورسره مخ دي، افغان حکومت باید د خبریالانو امنیت او د عدالت ته دعاملینو په وړاندې کولو کې جدي هڅې وکړي، پر خبریالانو د بریدکونکو معافیت باید پای ته ورسوي."
The attack on Khurshid TV is a horrific crime that shows the risks Afghanistan%27s journalists face doing their vital work. The Afghan authorities must make every effort to protect journalists and bring the perpetrators to justice. Impunity for attacks on journalists must end. https://t.co/kEHnrTaxFC
— Amnesty International South Asia (@amnestysasia) May 30, 2020
په افغانستان کې د خبریالانو د خوندیتوب ټولنې دا برید په کلکه غندلی دی او له افغان امنیتي ځواکونو یې غوښتي چې د پېښې عاملین پیدا کړي.
دغې ټولنې په خپل ټویټر کې ویلي دي چې په دغه پېښه کې دوه خبریالان وژل شوي دي.
د افغانستان حکومت هم دغه برید غندلی او ویلي دي چې په دې اړه جدي څېړنې کوي.
پر همدې مهال د خبریالانو څخه د ملاتړ بنسټ «نی» هم ویلي چې په دغه چاودنه کې د میر واحد شاه امیري په نوم د خورشید تلویزیون یو خبریال او د شفیق الله په نوم د تخنیک د برخې یو کار کوونکی وژل شوي او یو د خپرونې پر مخ وړونکی او درې د تخنیک دبرخې کار کوونکي ټپیان شوي دي.
نی هم دغه برید غندلی او له افغان حکومت څخه یې غوښتي چې د برید د عاملینو په پیدا کولو کې هڅې وکړي.
د افغانستان د بشري حقونو خپلواک کمېسیون هم دغه برید غندلی او د بیان پر ازادۍ برید یې په ښکاره ډول له بشري حقونو څخه سرغړونه او جنګي جنایت بللی دی.
۱/ دیروز (۱۰ جوزا ۱۳۹۹) عاملانی نامعلوم با استفاده از ماین بر واسطه نقلیه کارمندان تلویزیون خورشید در ناحیه چهارم شهر کابل حمله کردهاند.در این حمله دو تن به نامهای محمدضمیر امیری، خبرنگار اقتصادی و شفیقالله، کارمند فنی این تلویزیون کشته و شش تن از کارمندان آن زخمی شدهاند.
— AIHRC (@AfghanistanIHRC) May 31, 2020
تر دامهاله د دغه برید مسؤلیت کومې وسله والې ډلې په غاړه نه دی اخیستی. طالبانو هم ویلي چې په دغه برید کې لاس نه لري.
د یادونې وړ ده چې تیر کال هم د یاد تلویزیون د عملې پر موټر چاودنه کې دوه تنه ووژل شول او څلور نور ټپیان شول.