د پاکستان صدراعظم په خپلې کابینې کې د ځینو لویو تغیراتو په وخت د کورنیو چارو وزارت هغه چا ته سپارلی دی چې په هغه د بشري حقونو نه د سرغړونو تورونه لگیدلې دي.
د پاکستان پخوانی لوړپوړی پوځي چارواکی اعجاز شاه چې د پخواني پوځي ولسمشر پرویز مشرف نژدی ملگری گڼل کیږي او اوس د کورنیو چارو وزیر ټاکل شوی پر هغه بینظیر بهټو پرې شک لرلو چې د هغې د قتل پلان یې جوړ کړی.
د پاکستان د ډان ورځپاڼې د اعجاز شاه په اړه په یوې مقالې کې لیکلي دي چې "اعجاز شاه ته د دغه وزارت ورکول به د مخالفه سیاسي گوندونو سخت غبرگون راوپاروي. بینظیر بهټو د خپل قتل نه مخکې لیکلې و چې که هغه قتل شوه نو د اعجاز شاه نه دې تحقیقات وشي."
پاکستاني رسنۍ دا هم لیکلې چې پرویز مشرف د خپلې ولسمشرۍ په دورې کې اعجاز شاه په اسټرالیا کې د پاکستان سفیر وټاکه خو د اسټرالیا حکومت موافقه ونکړه او د پاکستان حکومت مجبور شو چې د هغه پر ځاې بل کس وگماري.
پاکستانی بلاگر او د بشري حقونو فعال وقاص گورایا په آی ایس آی تور لگوي چې هغه یې تښتولی او ځورولی و. ښاغلی گورایا اوس په هالینډ کې ژوند کوي او په ټولنیزو رسنیو کې یې اعجاز شاه ته د کورنیو چارو د وزارت د سپارلو پر ضد کمپاین پیل کړی دی. هغه پر خپل ټویټر لیکلي دي:
It is duty of every citizen to protest against appointment of a murderer, torture loving monster #IjazShah. Please register your protest wherever you can. Write to you MPs and Govt if abroad. This criminal should never be welcomed.
— Ahmad Waqass Goraya (@AWGoraya) April 19, 2019
"دا د هر تبع فرض دی چې د دی قاتل او ځپونکي کس ضد خپل احتجاج ثبت کړي. تاسو چې چیرته هم اوسئ، خپل استاځي ته د دغه کس خلاف ولیکئ."
د پاکستان د پارلمان غړي محسن داوړ هم د اعجاز شاه په ټاکلو اعتراض کړی او په خپل ټویټر یې لیکلي دي:
It is disappointing to know that someone wd a controversial career & one who threatened violence against peaceful protest has been given Interior Ministery. Violence makes discontent worse. This tinderbox of discontent, across d country, needs to be handled wd care & seriousness.
— Mohsin Dawar (@mjdawar) April 19, 2019
"دا ډیره د خپگان خبره ده یو داسې کس ته چې ډیره لانجمنه سابقه لري او سوله ایز مظاهرچیانو باندې د تشدد گواښ کوي، د کورنیو چارو وزرات ورکړل شو."
د اعجاز شاه په اړه د پاکستان پیپلز گوند یوې غړي نفیسه شاه هم اعتراضونه کړي دي او د حکومت نه یې غوښتي چې د هغه نه وزارت بیرته واخلي.