د ۲۰۱۷ کال غوره ټویټ د یوه ماشوم غوښتنه وه، د ولسمشر اوباما درې ټویټونه د لسو غوره ټویټونو په ډله کې راغلي، خو د ولسمشر ټرمپ یو ټویټ هم نشته.
د امریکا ولسمشر دونالډ ټرمپ په ټویټر کې ډېر فعال بلل کیږي او میلیونونه مینوال او لوستونکي لري. هغه د انتخاباتو او له انتخاباتو وروسته خپلې مهمې خبرې په ټویټر کې کړي دي او ځینو رسنیو هغه ته د " ټویټر- ټولنیزې رسنۍ- سړی" نوم هم ورکړی دی.
د مخکنی ولسمشر اوباما درې تویټونه د ۲۰۱۷ کال د لسو غوره ټویټونو په ډله کې راغلي او دوه ټویټونه یې خلکو تر ټولو ډېر خوښ کړي دي.
ولسمشر اوباما د ۲۰۱۷ کال د اګست په میاشت کې د بېلابېلو نژادونو له یو شمېر ماشومانو سره خپل یو تصویر خپور کړ. د هغه دا تصویر او ټویټ د غوره ټویټونو په لست کې دویم ځای خپل کړی دی.
"No one is born hating another person because of the color of his skin or his background or his religion..." pic.twitter.com/InZ58zkoAm
— Barack Obama (@BarackObama) August 13, 2017
یو اس ټوډای ورخپاڼه وايي په کومه ورځ چې ښاغلي اوباما دا ټویټ کړی و، په هماغه ورځ د امریکا په ویرجینا کې د سپین پوستو ملتپالو یوې مظاهرې کې تاوتریخوالی شوی و.
ښاغلي اوباما په خپل ټویټر کې لیکلي وو: " هيڅوک هم داسې نه زېږي چې د نژاد، رنګ، مذهب او سابقې په اساس له نورو څخه نفرت وکړي...". د ښاغلي اوباما همدغه تصویر د ۲۰۱۷ کال تر ټولو ډېر خوښ کړل شوی تصویر راغلی دی.
مګر په همدې ورځ ولسمشر ټرمپ په خپل ټویټرکې ولیکل چې د "تعصب، نفرت او تاوتریخوالي" کې ډېر اړخونه پړه دي.
د ښاغلي اوباما دویم ټویټ چې د کال د لسو غوره ټویټونو په سر کې راغلی دی، د واک د پرېښودو په اړه و.
په کومه ورځ چې ولسمشر ټرمپ لوړه وکړه، ښاغلي اوباما یې په سبا ولیکل چې د امریکا ولسمشري د هغه "ژوند ویاړ"
It%27s been the honor of my life to serve you. You made me a better leader and a better man.
— President Obama (@POTUS44) January 20, 2017
د کال تر ټولو غوره ټویټ
د متحدو ایالتونو د نویدا د یو ۱۷ کلن ماشوم غوښتنه د کال په تر ټولو غوره ټویټ بدل شو. ده د وینډیز په نامه د یو امریکايي رستورانټ پر ټویټر ولیکل: د چرګې د سرې شوې خوښې- چیکن نګیت- یو مفت خوراک په څو ټویټونو دی؟ رستورانټ ورته په ځواب کې ولیکل: په ۱۸ میلیونه ټویټونو.
د ټویټر یو فعال ویلکرسن له خپلو مینوالو وغوښتل: لطفآ مرسته وکړئ، یو سړی د چرګ خوراک غواړي.
HELP ME PLEASE. A MAN NEEDS HIS NUGGS pic.twitter.com/4SrfHmEMo3
— Carter Wilkerson (@carterjwm) April 6, 2017
دا ټویټ میلیونونه خلکو خوښ او شریک کړل او په اړه یې تبصرې وکړې، چې بلاخره د ۲۰۱۷ کال تر ټولو غوره ټویټ شو.
په نورو غوره ټویټونو کې د امریکا په هوسټن کې د سیلاب ځپلو سره د مرستو د جلبولو ټویټونه دي. سیلابونو او طوفانونو سلګونه زره خلک بې ځایه کړل، یو شمېر یې مړه او ژوبل او ډېر مالي تاوان يې هم واړوه.
د ټویټر یو فعال سیم د خپل سپي له تصویر سره ولیکل: زه او لیو، د دغه ټویټ په هر شریکولو سره هوسټن- ښار- د سپي شپږ پونډه خواړه ورکوو. سلګونه زره خلکو دا ټویټ، خوښ شریک او په اړه یې تبصرې وکړي.
Leo and I are donating 6 lbs of dog food to Houston for every retweet this gets!!!! RT RT RT RT!! pic.twitter.com/bcTT905knP
— Sam (@SamMartin_6) August 31, 2017