د امریکا او پاکستان د بهرنیو چارو وزیرانو د یکشنبې په ماښام مۍ ۱۶ (غوايي ۲۶) د افغان سولې بهیر په اړه ټلیفوني خبرې کړي دي.
د متحده ایالاتو د بهرنیو چارو وزیر انتوني بلینکن دغه خبرې ګټورې بللي او زیاته کړې ده چې به دغه ټلیفوني اړیکه کې د تروریزم ضد مبارزه کې د پاکستان ژمنو کې د پرمختګ، د افغان سولې بهیره سره د همکارۍ او د سیمې له ثبات څخه د ملاتړ په اړه بحثونه وشول.
Productive call with Pakistani Foreign Minister Qureshi about progress on Pakistan’s counterterrorism commitments, continuing cooperation on Afghan peace, and supporting regional stability. I look forward to continuing to work together in partnership.
— Secretary Antony Blinken (@SecBlinken) May 16, 2021
ښاغلي بلینکن زیاته کړې: "زه له یو بل سره د ګډو همکاریو دوام ته منتظر یم."
د پاکستان د بهرنیو چارو وزیر شاه محمود قریشي هم ویلي چې هیواد یې د افغان سولې بهیر څخه ملاتړ کوي.
هغه په دې اړه پر خپل ټویټر پاڼه لیکلي: "موږ په افغانستان کې یو سوله ییز سیاسي هواري ته رسېدو باندې معتقد یو، دا په افغانستان کې د ټولو لورو او همدارنګه د نړیوالو او سیمې چې ګټې یې پکې دي ګډ مسؤلیت دی."
Pakistan stands strong in our support for the Afghan peace process and we believe achieving a peaceful political solution in Afghanistan to be a shared responsibility of all Afghan parties as well as the key international and regional stakeholders. https://t.co/ehy0pAMFup
— Shah Mahmood Qureshi (@SMQureshiPTI) May 16, 2021
دا په داسې حال کې ده چې افغان ولسمشر محمد اشرف غني تر دې مخکې پاکستان ته په خطاب کې ویلي وو که چیري د غه هیواد د جګړې دوام انتخاب کړي، مرکزي اسیا ته به ونه رسیږي.
ولسمشر تر دې مخکې له وسله والو طالبانو څخه هم غوښتي وو چې له پاکستان سره خپلې اړیکې قطعه کړي.
پر همدې مهال د سولې په چارو کې د دولت وزیر سید سادات منصور نادري هم پر خپل ټویټرپاڼه لیکلي چې له افغانستان څخه د بهرنیو ځواکونو د وتلو د بهیر له پیلېدو سره د سولې خبرو حرکت کې هم د پام وړ تغیر راغلی دی.
هغه ویلي چې دوامداره جګړه او د افغانانو د وینې تویېول د منلو نه دي او باید ودرول شي.
Peace dynamics has changed dramatically post NATO troop withdrawal announcement. Continuous fighting, bloodshed, killing of Afghans is no longer acceptable. Fighting has to stop! Genuine negotiation must start immediately!
— S. Sadat Mansoor Naderi (@SadatNaderi) May 16, 2021
نادري د افغانستان د اسلامي جمهوریت او طالبانو ترمنځ د سولې بین الافغاني خبرو پر پیلېدو باندې ټینګار کړی دی.
ټاکل شوې د دواړو لورو ترمنځ د سولې خبرې له سره پيل شي، خو کره نېټه یې نه ده معلومه.