د پښتون ژغورنې غورځنګ مخکښ غړي محسن داوړ او علي وزیر وايي پاکستان پولیسو په هوايي ډګر کې پرېنښودل چې کابل ته ولاړ شي.
د ولسمشر اشرف غني د لوړې مراسم چې ټاکل شوې سبا دوشنبه د «کب پر۱۹مه» تر سره شي محسن داوړ، علي وزیر او عبدالله ننګیال ته پکې د ګډون بلنه ورکړل شوې وه.
دوی دواړه د پاکستان د پارلمان غړي هم دي.
محسن داوړ ویلي: "موږ یې کابل ته پرېنښودلو، موږ ته یې وویل چې تاسو له پاکستان څخه د وتلو اجازه نه لرئ، دا د پښتنو د منتخبو وکیلانو برخلیک دی په پاکستان کې."
We are going back as we were not allowed to fly to Kabul. FIA told us quite explicitly that the military has barred us from leaving the country. This is what elected Pashtun MNAs have to go through in Pakistan. This is the fate of an elected Pashtun representative in Pakistan 1/2
— Mohsin Dawar (@mjdawar) March 8, 2020
علي وزیر هم ویلي: "موږ هوايي ډګر ته راغلو، پاسپورټ هر څه اوکې شوي و، دوی موږ ایسار کړو چې ستاسو نوم د اي سې ال یا ممنوع الخروج په لېست کې دی."
په پاکستان کې د بشري حقونو فعال افراسیاب ختګ په دې اړه خواشیني څرګنده کړې او هغه یې د وزیرستان خلکو ته سپکاوی بللی دی.
د پاکستان حکومت تر دا مهاله په دې اړه تبصره نه ده کړې.