د افغانستان دفاع وزارت وايي د هلمند ولایت په ګرشک ولسوالۍ کې د ملکي خلکو پر کور د طالبانو د راکټ لګېدو له امله نهو ملکي وګړو ته مرګ ژوبله اوښتې ده.
دفاع وزارت ویلي چې د دغه راکټ لګېدو له امله درې تنه ملکي وګړي وژل شوي او شپږ تنه نور ټپیان شوي دي.
د دفاع وزارت مرستیال ویاند فواد امان نن جمعه مۍ ۲۸ (غبرګولې اوومه) ویلي چې د پېښې ټپيان د امنیتي سرتیرو لخوا روغتون ته انتقال شوي دي.
صبح امروز در اثر پرتاب راکت توسط طالبان بالای خانه های غیرنظامیان در ولسوالی گرشک ولایت هلمند، ۳ فرد ملکی به شهادت رسیدند و ۶ تن دیگر زخمی شدند.زخمی ها توسط نیروهای امنیتی به شفاخانه انتقال داده شدند.
— Fawad Aman (@FawadAman2) May 28, 2021
د یو بل خبر له مخې د کاپیسا مرکز محمود راقي کې د سړک غاړې ماین چاودنې له امله درې ملکي وګړي وژل شوي دي.
د کاپیسا د پولیسو په وینا دغه چاودنه پرون پنجشنبه ماښام ناوخته د محمود راقي ښار اړوند په «شوخي» سیمه کې رامنځته شوې ده.
تر دا مهاله وسله والو طالبانو په هلمند کې پر یو کور د راکټ لګېدو او په کاپیسا ولایت کې د ماین چاودنې په اړه تبصره نه ده کړې.
د یادونې وړ ده چې وړمه ورځ د فاریاب ولایت په قیصار ولسوالۍ کې هم د افغان چارواکو په وینا پر یوه کور او بازار کې د طالبانو د هاوانونو لګېدو له امله اووه ملکي وګړي ووژل شول او ۹ تنه نور ټپیان شول.