د عمران خان دوو پخوانیو میرمنو د هغه په انتخاباتو کې بري په اړه بیلا بیل عکس العمل ښودلی. یوې پاکستان ته مبارکي ورکړې نو بلې ویلي دا د پاکستان بدبختي ده.
د پاکستان عمومي انتخابات چې پرون د جولایي په ٢٥ ترسره شول او د پاکستان تحریک انصاف د ټولو نه زیاتې ترلاسه کړې په ملک کې بیلا بیلې تبصرې پارولې دي.
د پاکستان د تحریک انصاف مشر عمران خان چې درې ودونه یې کړیدي، د دوو ښځو نه جلا شوی دی او د دریمې سره ژوند کوي. د عمران خان د انتخاباتو گټلو د خبر د خپریدو سره د عمران خان پخوانیو ښځو هم پدی اړه غبرگون ښودلی دی.
د عمران خان لمړنۍ میرمن جمایما گولډسمت چې بریتانوي ده او د هغه نه دوه زامن هم لري، اوس هم ځان د عمران خان یوه ښه ملگرې معرفي کوي.
هغې د عمران خان د بري په خوشحالۍ کې ټویټونه وکړل. هغې په خپل ټویټر ولیکل
22 years later, after humiliations, hurdles and sacrifices, my sons’ father is Pakistan’s next PM. It’s an incredible lesson in tenacity, belief & refusal to accept defeat. The challenge now is to remember why he entered politics in the 1st place. Congratulations @ImranKhanPTI
— Jemima Goldsmith (@Jemima_Khan) July 26, 2018
"٢٢ کلونه وروسته، د ځورونو، مشکلاتو او قربانیو نه وروسته، زما د زامنو پلار د پاکستان راتلونکی صدراعظم دی. دا د باور، اعتماد او د ماتې د منلو نه د انکار نتیجه ده. اوس چلینج دا دی چې دا یاد وساتل شي چې هغه سیاست ولې پیل کړی و. مبارک"
د جمایما ټویټ تروسه پورې ١٢٠،٠٠٠ زره ځله شریک او خوښ کړی شویدی.
د جمایما برعکس د عمران خان دوهمې ښځې ریحام خان د هغه د انتخاباتو د گټلو د خبر نه وروسته په دې پرنټ خپرونې کې یوه مقاله خپره کړه. هغې ولیکل چې دا زما لپاره د حیرانتیا خبره نده چې هغه به د پاکستان صدراعظم شي او هم ځکه ما کتاب لیکلی دی.
ریحام وایي چې په عمران خان باندې د پاکستان د پوځ سره د نژدو اړیکو او د ترهگرو لپاره د ښه احساساتو تورونه دي. هغه تور لگوي چې دا د پاکستان د تر ټولو غیرشفافه انتخابات و.
ریحام خان وایي چې د کتاب لیکلو هدف یې دا و چې خلک د عمران خان اصل مخ وویني.
د یادونې وړ ده چې عمران خان په پاکستان کې د هغه وخت نه زیات شهرت لري چې د کرکټ لوبغاړی و. هغه د ١٩٩٢ کال د نړیوال جام گټلو نه وروسته نور هم زیات شهرت ترلاسه کړ. عمران خان د نړیوال جام گټلو نه وروسته خپل سیاسي گوند جوړ کړ او د ٢٢ کلونو د سیاست نه وروسته یې دا مقام ترلاسه کړ.