په هند کې د کرکې په اساس د یو مسلمان کس په تبر د وهلو او ژوندي سوځولو ویډیو سخت غبرگون راپارولی دي.
د هند د راجهستان په ایالت کې یو سختدریځه هندو مسلمان کاریگر په تبر وواهه او بیا یې هغه ته اور واچوو تر څو هغه مړ شي. پولیس وایي په پیښې کې ککړ کس نیول شوی دی.
دغه سختدریځه هندو د دغه مسلمان کس په تبر د وهلو او د اور د اچولو ویډیو هم جوړه کړیده او په ټولنیزو رسنیو یې خپره کړیده. هغه په دغه ویډیو کې وایي چې "هر هغه کس چې د 'مینې جهاد' کوي، همدا به یې انجام وي." هغه دا هم وایي چې "جهادیانو زمونږ د ملک نه ووځئ. مونږ بابري مسجد ونړاوه خو څه گټه یې ونکړه."
په هند کې سختدریځه هندو مذهبي ډلې چې د مینې د جهاد اصطلاح کاروي، وایي چې مسلمانان د هندوانو جینکو سره واده کوي او هغوي بیا مسلمانوي. د مسلمانانو د حقونو فعالین دا ډول تورونه په سختۍ ردوي.
پولیس وایي چې وژل شوی کس افروزالحسن نومیده او د ختیځ بنگال یو ۴٥ کلن کارگر و.
په ویډیو کې ښیي چې حسن د خپل ژوند لپاره چغې نعرې وهي. پولیس وایي چې د پیښې په مهال یو بل کس هم موجود و چې ویډیو یې جوړوله.
د راجهستان د کورنیو چارو وزیر گلاب چند کټاریه خبریانو ته ویلي دي چې دا ډیره د خواشینۍ وړ ده چې یو کس څوک د کیمرې مخې ته وژني او بیا ورته اور اچوي. هغه وویل چې قاتل نیول شویدی. دغه کس شمهبو لال نومیږي او روحي ناروغي لري.
د وژل شوي افروزالحسن مور خبریالانو ته وویل چې هغې ته دا نده معلومه چې زوی یې ولې وژل شویدی. خو هغې د چارواکو نه غوښتي دي چې مسولو کسانو ته دی سزا ورکړي.
I spoke to my son in the morning before he was killed. I don%27t know the reason behind his murder. I have seen the video, guilty should be punished: Mother of victim who was burnt to death in Rajasthan%27s Rajsamand pic.twitter.com/M5k4p0Q3mU
— ANI (@ANI) December 7, 2017
د ویډیو د خپریدو نه وروسته په هند کې د بشري حقونو فعالینو او د ټولنیزو رسنیو کار کونکو دغې پیښې ته سخت غبرگون وښود.
India we need to wake up, look around and put our foot down! this is not the type of country we want our nation to be. The land that set example of non-violence for the world, how did we get here and let violence become the norm? Absolutely shameful what happened in Rajasthan!
— Gurmehar Kaur (@mehartweets) December 7, 2017
د بشري حقونو فعاله گرمهرکور په خپل ټویټر لیکلي چې "پکار ده چې مونږ راویښ شو، پاڅو او خپلې پښې په ځمکه ولگاو. مونږ نه غواړو چې دا ډول ملت شو. زمونږ ځمکه د نړۍ لپاره د عدم تشدد مثال دی. په راجهستان کې چې څه پیښ شویدي، د شرم خبره ده."
د هند یو مشهور اداکار لیکي چې "خوشحاله شوم چې مسول کس نیول شویدی. افرین شه په چارواکو. دغه کس بندي کړئ او د بند کیلۍ وغورځوئ."
Happy to hear the man behind the Rajasthan attack has been arrested. Well done authorities. Lock him up, throw away the key.
— Vir Das (@thevirdas) December 7, 2017
د هند حکومت وایي چې د پېښې په هکله به ژر تحقیقات مکمل کړي او د دغه ویډیو د خپریدو د مخنیوي لپاره یې هم اقدامات کړيدي. د یادونې وړ ده چې دغه ویډیو تراوسه پورې په لکونو خلکو لیدلي ده.