د هغې نه وروسته چې پاکستان په خپله خاوره د هند یوې الوتکه په نښه کړله او پیلوټ یې ونیوه، د هند د بهرنو چارو وزارت په نوي ډیلې کې د پاکستان سفیر احضار کړ
د هند د بهرنو چارو وزات په یوې اعلامیې کې ویلي چې هغوي د خپلې خاورې د دفاع پوره حق لري او د پاکستان لخوا د نیول شوي زخمي پیلوټ اوینندن ویډیوگانې او عکسونه خپرول د جنیوا د تړون نه سرغړونه ده.
د هند د بهرنو چارو وزیر ویلي چې نیول شوي هندي عسکر ته دې هیڅ ډول تاوان و نه رسول شي او هیله مند دي چې پیلوټ به روغ رمټ بیرته هند ته واستول شي.
د یادونې وړ ده چې د پاکستان په ټولنیزو رسنیو د هندي پیلوټ ویډیوگانې خپرې شویدي. پدغه ویډوگانو کې لیدل کیږي چې هغه په زخمي حالت کې دی او د کلې راغونډ شوې خلک یې وهي ټکوي او د پاکستان عسکر یې ترینه وژغوري.
Pakistani soldiers saving Indian pilot from mob attack pic.twitter.com/DtOyMy1TQL
— Azhar Abbas (@AzharAbbas3) February 27, 2019
د نیول کیدو نه وروسته د پاکستان پوځ دغه پیلوټ په یو داسې ځاې کې کینولې وي چې ښیي دفتر وي او هغه ته چای ورکوي. دغه مهال ویډیو جوړونکی د هغه نه پوښتنې کوي چې "آیا د هغه سره په پاکستان کې سم چلند وشو او کنه" دغه پیلوټ ځواب ورکړي چې هغه د پاکستان د عسکرو د چلند نه خوښ دی.
Indian pilot says he is being looked after well in Pakistan after he was taken into custody. pic.twitter.com/Ig7cLkH2As
— Salman Masood (@salmanmasood) February 27, 2019
د جنیوا د تړون په اساس په جنگي اسیرانو د تشدد اجازه نشته
خبریال شهریار مرزا لیکي چې د هندي پیلوټ نه د سوال ځواب ویډیو خپرول د جنیوا تړون نه سرغړونه ده.
Violation of the Geneva Conventions to release the interrogation of the Indian pilot.
— Shaheryar Mirza (@mirza9) February 27, 2019
د هند یوې مشهورې خبریالې برکها دټ بیا وایي چې پاکستان دې د جنیوا تړون په اساس نیول شوی پیلوټ هند ته بیرته حواله کړي.
Calm, composed and dignified #Abhinandan you do us proud. Shrill Prime time evangelists could learn from officers like him. So relieved to see he is safe, treated professionally and hopefully will be handed back to India soon as per the Geneva convention. https://t.co/X0pgbfzXTj
— barkha dutt (@BDUTT) February 27, 2019
د پاکستان د پوځ ویاند په خپل ټویټر لیکلي دي چې د نیول شوي عسکر سره د نړیوالو قوانینو په اساس چلند کیږي.
د یادونې وړ ده چې د پاکستان پوځ ادعا کوي چې د هند دوه الوتکې یې غورځولي دي او یواځې یو پیلوټ یې ژوندی نیولی دی.