په ټولنیزو رسنیو کې خپرې شوي ویډیوگانې ښیي چې د ایران په گوټ گوټ کې زرگونه کسان مظاهرې کوي او پولیسو پر مظاهره چیانو ډزې هم کړې دي.
د ایران یوه چارواکي حبیب الله خجسته پور د دوو اعتراض کوونکو وژنه تائید کړه، خو پړه یې پر "بهرنیو ایجنټانو" واچوله.
ښاغلي خجسته پور رسنیو ته وویل "په دې اعتراضونو کې د تکفیري ډلې او بهرنيو استخباراتو لاس ښکاري. له بده مرغه په دې اخ و ډب کې دوه ایراني اتباع وژل شوي خو د پولیس، پوځ یا امنیتي ځواکونو له خوا د مرمۍ یو ډز هم ندی شوی. "
په راپورونو کې ویل شوي چې په کرمانشاه، شهرکرد، بندرعباس، زنجان، خرم اباد او اهواز کې هم اعتراضونو دوام لري.
په ایران کې دننه ځینو رسنیو د دغه هېواد د چارواکو په قول ویلي چې شاوخوا ۸۰ تنه اعتراض کوونکي تېره شپه نیول شوي دي. د ایران د کورنیو چارو وزیر ویلي چې د تاوتریخوالي له ویرې او دهشت خپرونکو دغو اعمالو سره به مقابله وشي.
د امریکا د متحدو ایالاتو ولسمشر ډونالډ ټرمپ د ایران د اعتراضونو په اړه په ټویټر کې د ایران د ولس ملاتړ کړی دی.
Big protests in Iran. The people are finally getting wise as to how their money and wealth is being stolen and squandered on terrorism. Looks like they will not take it any longer. The USA is watching very closely for human rights violations!
— Donald J. Trump (@realDonaldTrump) December 31, 2017
"ټوله نړۍ پوهېږي چې د ایران خلک تغیر غواړي او د ایران رژیم د امریکا د متحدو ایالاتو د ستر پوځ تر ستر قدرت وروسته، د ایران له ولسه وېرېږي."
د امریکا د سنا مجلس جمهوري غوښتونکي غړي جان مکېن هم ایراني لاریون کوونکو زړور بللي دي او پر ټوېټر یې لیکلي دي.
For too long, the Iranian people have been oppressed by their government, which cares more about sowing instability abroad than its own citizens. The U.S. stands with the brave protesters who yearn for freedom, peace, and an end to corruption in Iran. https://t.co/taDmyE1w7k
— John McCain (@SenJohnMcCain) December 30, 2017
"د ایران خلک له ډېرې مودې راهیسې د خپل حکومت تر فشار لاندې ځپل شوي، داسې حکومت چې تر خپلو وګړو په بهر کې د بې ثباتۍ له خپرولو سره زیاته علاقه لري. امریکا له هغو زړورو مظاهرهچیانوسره ولاړه ده چې ازادي، سوله او په ایران کې د اداري فساد پای ته رسېدل غواړي."
ایراني چارواکو ویلي چې په ټولنیزو رسنیو باندې اکثره راپورونه د تهران له سیمه ایز سیال سعودي عربستان او په اروپا کې د تعبیدي ډلو څخه سرچینه اخیستي.