د پښتون تحفظ تحریک یو مشر محسن داوړ په خپل ټویټر لیکلي دي چې په خیسور کې د هغه ماشوم حیات خان ماما وژل شویدی چې دوه اونۍ مخکې یې په پوځ تور لگولی و چې کور ته یې دننه ورځي
محسن داوړ د حیات خان د ماما وژل په خپل ټویټر غندلي دي او وایي چې د هغه په اوسني وخت کې قتل شکونه پاروي.
محسن داوړ لیکي:
Strongly condemn the target killing of Hayat Khan’s uncle Matorkay in Khaisor, North Waziristan. Another condemnable act which once again questiones the large scale military presence in Waziristan.The timing of the killings make it more suspicious. Matter needs to b investigated.
— Mohsin Dawar (@mjdawar) February 10, 2019
"د شمالي وزیرستان په خیسور کې د حیات خان د ماما مټورکی وژنه غندو. دا د غندلو وړ عمل پداسې وخت کې کیږي چې په دغه سیمه کې پوځ په لوړه کچه موجودیت لري. د ډی قتل وخت نور شکونه پیدا کوي. پکار ده تحقیقات وشي."
حیات خان یوه ویډیو په پاکستان کې د هغې نه وروسته سخت بحثونه وپارول چې هغه پکې وویل د پاکستان د پوځیان یې کور ته پرته د اجازې ورځي.
د حیات خان مور هم دغه تورونه تکرار کړي و خو د حیات خان ماما مټورکي په یوې ویډیو کې د خپل خور او خوریې د تورونو برعکس د پوځ دفاع کړي وه.