پښتون تحفظ تحریک د وزیرستان د خېسور د یو ماشوم د فریاد په ځواب کې احتجاج کړیدی او پوځ ته یې خبرداری ورکړی چې د پښتنو د کورونو تقدس ته دې سپکاوې نه کوي
د پي ټي ایم مشرانو د خېسور په پیښه سخت احتجاج کړیدی او ویلي یې دي چې هیج چا ته به دا اجازه ورنکړي چې د پښتنو د کور او ستر سپکاوې وکړي.
منظور پښتین د خېسور غونډې ته په وینا کې وویل "فرعون هم د اجازې ته پرته د یو پښتون کور ته نشي ننوتی"
د شنبې په ورځ په ټویټر د خېسور د یو ماشوم چې خپل نوم حیات خان ښایي، یوه ویډیو وایرل شوه چې پکې دغه ماشوم د پاکستان په پوځ تور لگوي چې پلار او ورور یې ورله نیولي دي او اوس یې کور ته راځي.
شمالی وزیرستان خیسور کی اور دردناک کہانی۔ حیات خان نامی یہ معصوم بچہ جس کے والد اور بڑے بھائ کو فوج کے ۱۶ اے کے ۲ رجمنٹ اٹھا چکی ہے اور اب چادر اور چار دیواری کے تقدس کو پامال کرکے آئے روز تفتیش کے بہانے گھر آتے جہاں اس بچے کے علاوہ کوئ اور مرد موجود نہیں ہوتا۔ @ImranKhanPTI pic.twitter.com/agLHTGrrDg
— Mohsin Dawar (@mjdawar) January 19, 2019
د دغه ویډیو په ټولنیزو رسنیو د خپریدو نه وروسته د پي ټي ایم مشرتابه په دغه هکله خپله ناخوښي څرگنده کړه او د دغې ماشوم د ملاتړ لپاره یې په خېسور کې د لاریون او احتجاج پریکړه وکړه.
د پي ټي ایم د مشر منظور پښتین د وزیرستان ته د سفر د پریکړې د ملاتړ په هدف په سلگونو کسانو د یکشنبې په ورځ په دغه احتجاج کې گډون وکړ.
محسن داوړ چې د نقیب محسود د تلین په مناسبت په کراچۍ کې یې په احتجاج کې گډون کاوه، ځان یې وزیرستان ته ورساوه. محسن داوړ په لنډ وخت کې د زیاتو خلکو په راغونډیدو یو ټویټ کې ولیکل:
Khaisor, North Waziristan, Thousands of people gathered on a short notice of #PTM #PashtunLongMarch2Khaisor #PashtunLongMarch2Karachi pic.twitter.com/EtJ6EJz5i3
— Mohsin Dawar (@mjdawar) January 20, 2019
"د شمالي وزیرستان د خېسور په سیمې کې په زرگونو کسانو په ډیر لنډ وخت کې په احتجاج کې گډون وکړ"
پرون یعني د جنورۍ په ٢٠ د پي ټي ایم په مشرۍ یو بل لویه احتجاجي غونډه د کراچۍ په سهراب گوټ کې ترسره شوه.
د پي ټي ایم دغې غونډې ته د وزیرستان نه د پارلمان غړي علي وزیر په خپلې وینا کې وویل چې "نور به د خېسور ډول پیښې و نه زغمي."
د یادونې وړ ده چې د خېسور د ویډیو او د پي ټي ایم خبرداریو ته د پاکستان پوځ او یا حکومت کوم ډول ځواب ندی ورکړی.