په اسلام اباد کې افغان سفیر عاطف مشعل د پاکستان پوځ له مشر جنرال قمر جاوید باجوه سره کتلي دي.
عاطف مشعل پرون پنجشنبه جون ۵(چنګاښ۶) پر خپل ټویټر لیکلي چې د پاکستان پوځ له مشر سره یې کابل ته د هغه وروستي سفر،د افغان سولې بهیر، د دواړو هیوادونو ترمنځ همکارۍ د راتلونکې ناستې، دوه اړخیزو اړیکو او موجوده سیمه ییز وضعیت په اړه یې خبرې کړي دي.
Today I met with Pakistan COAS Gen. Qamar Bajwa and discussed follow up of matters arising from his recent Kabul visit, Afghan peace process, upcoming APAPPS meeting, strengthening bilateral relations and the current situation in the region. @mfa_afghanistan
— Atif Mashal عاطف مشعل (@MashalAtif) June 25, 2020
دا لیدنه پر داسې مهال تر سره کیږي چې د پاکستان د پوځ مشر جنرال قمر جاوید باجوه د جون په نهمه کابل ته د یو نا اعلان شوي سفر په ترڅ کې له ولسمشر غني او د ملي مصالحې شورا له مشر ډاکټر عبدالله عبدالله سره وکتل.
د ملي مصالحې مشر ډاکټر عبدالله عبدالله هغه مهال ویلي و چې د باجوه کابل ته دسفر پر مهال نوموړي ته د افغان سولې بهیر کې د همکارۍ ډاډ ورکړی و.
د ملي مصالحې عالي شورا مشر عبدالله عبدالله ویلي و چې د افغانستان حکومت او خلک تمه لري چې د پاکستان حکومت په دې برخه کې عملي همکاري وکړي.
د پاکستان د پوځ ادارې (ISPR) پرون پنجشنبه جون۲۵ (چنګاښ۶) پر خپل ټوېټر لیکلي چې دواړو لورو د دوه اړخیزو ګټو، سیمه ییزو امنیت او عمومي وضعیت په اړه خبرې کړي دي.
Mr. Shukrullah Atif Mashal, Afghan Ambassador to Pakistan called on General Qamar Javed Bajwa, Chief of Army Staff (#COAS), today. During the meeting, matters of mutual interest and overall regional security situation were discussed.
— DG ISPR (@OfficialDGISPR) June 25, 2020
بلخوا د امریکا د بهرنیو چارو وزارت د تیرې چهارشنبې په ورځ د یو رپوټ په خپرولو سره ویلي چې پاکستان لاهم د ترهګرو ډلو لپاره یو امن ځای دی چې له هغه ځایه پر افغانستان او هند باندې بریدونه کوي او د رپوټ په وینا اسلام آباد ددغو ډلو پر وړاندې پوره اقدام نه کوي.
د افغانستان او پاکستان ترمنځ د سوداګرۍ چارې
په اسلام اباد کې افغان سفیر پر داسې مهال د پاکستان د پوځ له مشر سره ګوري چې د روانې جون میاشتې پر ۲۲مه له شااوخوا درې میاشتنې ځنډ وروسته پاکستان ته د افغان صداراتو لړۍ پیل شوه.
روانه اونۍ د تورخم، سپین بولدک او غلام خان بندرونو له لارې په بېلابېلو توکو بار لوی موټر چې اکثره یې تازه مېوه وه پاکستان ته ورسېدل.
پاکستان د کرونا ویروس مخنیوي لپاره له افغانستان سره د چمن او تورخم دروازې د ټرانزیټ او مسافرو د تګ راتګ پر مخ تړلې وې.
که څه هم اوس مهال د چمن او تورخم دروازې د سوداګریرزو چارو پر مخ خلاصې شوي، خو د مسافر د تګ راتګ پر مخ لا په عمومي ډول نه دي خلاصي شوي.