په پاکستان کې د امریکا د ولسمشر ډونالډ ټرمپ سخت غبرگونونه پارولي دي.
ولسمشر ټرمپ د ٢٠١٨ کال په لومړۍ ورځ په خپل یو ټویټ کې ولیکل ”په تیرو ۱۵ کلونو کې امریکا په احمقانه ډول پاکستان ته تر ۳۳ میلیارد ډالرو ډیرې مرستې کړي، او دوې (پاکستان) موږ ته پرته له دروغو او خطاایستلو بل څه ندي راکړي او زموږ پر مشرانو یې د احمقانو خیال کړی. دوي هغو ترهگرو ته پناهځایونه ورکوي چې مونږ یې په افغانستان کې ښکار کوو. نور به داسې نه کیږي."
د امریکا د ولسمشر ټرمپ د ټویټ نه څو دقیقې وروسته دغه موضوع په پاکستان کې په ټویټر ټرینډ شوه.
د پاکستان د بهرنو چارو وزیر خواجه اصف د ټرمپ د ټویټ په ځواب کې ولیکل
We will respond to President Trump%27s tweet shortly inshallah...Will let the world know the truth..difference between facts & fiction..
— Khawaja M. Asif (@KhawajaMAsif) January 1, 2018
" مونږ به د ولسمشر ټرمپ ټویټ ته ژر ځواب ورکړو. مونږ به نړۍ ته وښایو چې په ریښتیاو او افسانو کې څه فرق دی."
خواجه اصف بیا وروسته د جیو ټلویژن سره په خبرو کې وویل "د امریکا پالیسي د مایوسۍ نتیجه ده. امریکا دې په افغانستان کې د خپل ١٥ کلن جنگ حساب وکړي. که زمونږ نه حساب غواړي نو مونږ ورته د یو یو ډالر حساب ورکوو."
د بهرنوچارو د وزیر نه علاوه په پاکستان کې سیاستمدارانو، د سیاسي او مدني چارو کارپوهانو هم بیلا بیل تبصرې کړیدي.
د پاکستان یو پخواني پوځي جنرال غلام مصطفی په خپل ټویټر ولیکل.
Thanks #DonaldTrump for accepting American foolishness in trying to coerce or buy its interests from us and having drastically failed in both. Well done Pakistan. Best new year gift. Time now to stand firm, be vigilant and unite to defeat CIA-MOSSAD-RAW-NDS-INTERNAL ENEMY Nexus. pic.twitter.com/r8UFBBb0FL
— Gen Ghulam Mustafa-R (@_GhulamMustafa_) January 1, 2018
"مننه ټرمپ، د امریکا د بې عقلۍ اعتراف دې وکړ چې غوښتل یې زمونږ نه په زور او یا په بیعه گټه پورته کړي او په دواړو کې ناکامه شوه. ډیر ښه پاکستان. د نوي کال ښه تحفه ده. اوس وخت رارسیدلی چې مونږ قوي او متحد ودریدو او سي آی اې، موساد، را او این ډي ایس ته ماتې ورکړو."
د پاکستان د جماعت الاسلامي مشر سراج الحق په خپل ټویټر لیکلي.
پاکستان آزاد ملک تھا، ہے اور ہمیشہ رہے گا۔ دھمکیوں کا پاکستانی قوم پر کوئی اثر نہیں ہوگا۔ حکومت جرات،غیرت اور بہادری سے اس صورتحال کا سامنا کرے اور ٹرمپ انتظامیہ کو صاف صاف بتادے کہ چند ڈالروں کے عوض ہم اپنی خودی کو نیلام نہیں کرسکتے۔ ہم آزاد قوم ہیں اور اپنے فیصلے خود کریں گے
— Siraj ul Haq (@SirajOfficial) January 1, 2018
" ټرمپ په افغانستان کې د خپلې ناکامۍ پړه په پاکستان اچوي. که د پاکستان یو مشر ته امریکا پیسې ورکړي وي نو دا د امریکا مسله ده. د دې لپاره د پاکستان غیرتمند ولس مسول نشي گرځول کیدی."
د ملي مسلم لیگ گوند مشر شیخ رشید د ټرمپ د ټویټ په ځواب کې یوه ویډیو خپره کړیده او ویلي یې دي چې امریکا په ملگرتیا نه پوهیږي.
video message in reply of Mr.Donald trumph tweet.Pakistan Zindabad pic.twitter.com/JZdvworons
— Sheikh Rashid Ahmad (@ShkhRasheed) January 1, 2018
ټول پاکستاني په یوه خوله هم ندي، د پاکستان د عوامي نیشنل گوند سیاستمدارې بشری گوهر په خپل ټویټر لیکلي
Foreign & security policies are too serious a business to be left to the Generals. Political leaders must play their role in getting the country out of the foreign policy abyss. A joint session of the Parliament should be convened.
— Bushra Gohar (@BushraGohar) January 1, 2018
"بهرنۍ او امنیتي پالیسۍ ډیرې مهمې دي او دا جنرالانو ته پیرښودل ندي پکار. سیاستمداران دې خپل رول ولوبوي او د پاکستان دا ناکامه بهرنۍ پالیسي دې بدله کړي. باید په دې هکله پارلیماني غونډه راوبلل شي."
پاکستان د ولسمشر ټرمپ د ټویټ په ځواب کې په رسمي توگه لا تراوسه ځواب نه دې ویلې خو په ټویټر یو هیش ټیگ شروع شوې چې وایي پاکستان دې نور د امریکا جنگ په خپله خاوره نه کوي او د ناټو د اکمالاتو پر مخ دې لار وتړي.