په داسې حال کې، چې د پاکستان حکومت د سولې او امنیت د ټینګیدو لپاره په دوو ایالتونو کې د پوځ د ځواکونو د ځای په ځای کیدل تائید کړي، ددغه هیواد پولیسو د پاکستان د تحریک انصاف د ګوند مرستیال شاه محمود قریشي او یو شمیر لوړپوړې چارواکي نیولي دي.
د رویټرز خبري اژانس په یو خبر کې ویلي، چې پولیسو د پنجشنبې په ورځ مۍ ۱۱ (ثور۲۱) د عمران خان په حکومت کې د بهرنیو چارو د پخواني وزیر او د پاکستان د تحریک انصاف د ګوند مرستیال شاه محمود قریشي او ددغه ګوند دوه نور لوړپوړې مشران اسد عمر او فواد چودري نیولي دي.
ښاغلي قریشي د پولیسو له خوا د نیول کیدو وړاندې د خپل ټویټر په پاڼه د تحریک انصاف د ګوند له پلویانو د سوله ییزو لاریونونو د دوام غوښتنه کړې ده.
د اسلام اباد پولیسو هم د خپل ټویټر په پاڼه د ښاغلي قریشي په ګډون ددغه ګوند د یو شمیرچارواکو نیول تائید کړي دي.
منصوبہ بندی کے تحت جلاؤ گھیراؤ اور پرتشدد مظاہروں پر اکسانے والوں کے خلاف نقص امن کے خطرہ کے تحت گرفتاریاں ۔اسلام آباد پولیس نے شاہ محمود قریشی ، اسد عمر،فواد چوہدری، جمشید اقبال چیمہ، فلک ناز چترالی، مسرت جمشید چیمہ اور ملیکہ بخاری کو گرفتار کرلیا ۔تمام گرفتاریاں قانونی…
— Islamabad Police (@ICT_Police) May 11, 2023
پولیسو د پنجشنبې په ورځ وویل، چې د پاکستان د پوځ ځواکونه اسلام اباد ته رسیدلي دي.
د پاکستان د صدراعظم شهباز شریف دفتر په یوې اعلامیې کې ویلي چې د سولې او امنیت د ټینګیدو لپاره د کابینې په غونډې کې د پایتخت اسلام آباد په ګډون په دوو ایالتونو کې د پوځ ځای پر ځای کول منظور شوي دي.
عمران خان د سه شنبې په ورځ مۍ نهم (ثور۱۹) په پایتخت اسلام اباد کې پر هغه باندې د لګېدلو تورونو په یوه قضیه کې د اسلام اباد عالي محکمې ته د حاضرېدو پر مهال د پولیسو له خوا ونیول شو. د پاکستان پخوانی صدراعظم عمران خان د چهارشنبې په ورځ مۍ لسمه (غوايي۲۰) په اسلام اباد کې یوې ځانګړې محکمې ته حاضر شو.
دعمران خان یو مدافع وکیل علي بخاري د فرانس پریس خبري اژانس ته ویلي چې د ملي احتساب ادارې غوښتي چې ښاغلی خان به اته ورځې د هغوي سره په قید کې وي او محکمې هم دا غوښتنه منلې.
خلیلزاد غبرګون
د افغانستان لپاره د امریکا د متحده ایالاتو پخواني ځانګړي استازي زلمي خلیلزاد د پولیسو په توقیف کې د پاکستان پخواني صدراعظم عمران خان ژوند ته د ورپیښو ګواښونو په اړه ژوره اندیښنه ښودلې او ویلي دي، چې د هغه وژل کیدل به په دغه هیواد کې وضعیت د لا خرابیدو سبب شي.
زلمي خلیلزاد د چهارشنبې د ورځې ناوخته مۍ لسم(ثور۲۰) په څو پرله پسې ټویټونو کې ویلي، چې پخواني صدراعظم خپل ژوند ته د پیښو ګواښونو په اړه خپلې اندیښنې د چهارشنبې په ورځ د ملي احتساب ادارې په محکمه کې قاضي ته څرګندې کړي دي.
ښاغلي خیلیزاد لیکلي:" په داسې حال کې، چې عمران خان په توقیف کې دی دلته دا ویره چې ممکن هغه به ووژل شي مخ په زیاتیدو ده. عمران خان دا اندیښنه نن د محکمې اړوند قاضي ته هم څرګنده کړه ده".
There is growing fear that Imran Khan might be killed/assassinated while in custody. Imran Khan expressed this concern to the judge in charge in the court today.[Thread]#Pakistan #ImranKhanArrested
— Zalmay Khalilzad (@realZalmayMK) May 10, 2023
زلمي خلیلزاد ویلي، چې د عمران خان احتمالي وژل به په پاکستان کې د وضعیت د لاخرابیدو سبب شي.
هغه لیکلي، چې ددې لپاره چې د عمران خان ژوند د ګواښ سره مخ نشي باید هغه خوشې اود هغه د ژوند د خوندیتوب لپاره لازم اقدامات ترسره شي.
د پاکستان د پخواني صدراعظم عمران خان د پلویانو او امنیتي ځواکونو تر منځ د تشدد پیښې چارشنبه مې ۱۰ (غوایي۲۰) دومره شدیدې شوې چې حکومت مجبور شو د بلوا غلې کولو لپاره د اسلام اباد په ګډون په ځینو ښارونو کې پوځ وګماري.
د پاکستان د کورنیو چارو وزارت د موبایل خدمتونو د بندیدو امر کړی او د یوټیوب، ټویټر او فیسبوک په ګډون یې ټولنیزو شبکو ته لاسرسی محدود کړی. چارواکو همدارنګه په ټول هیواد کې د ښوونځیو د تړلو امر کړی.
په مظاهرو کې سلګونه د پولیسو افسران ټپي شوي او د پنجاب په ولایت کې چې د وګړو د شمیر له مخې تر ټولو ستر ولایت دی، نږدې ۱۶۵۰ تنه نیول شویدي. د رویټرز خبري اژانس د راپور له مخې په بلوچستان ایالت کې د عمران خان د ګوند شاوخوا ۸۰ تنه پلویان نیول شوي دي.
دغه اژانس د توتریخوالي په پیښو کې تراوسه پنځه تنو خپل ژوند له لاسه ورکړی دی.
د پاکستان پوځ د چارشنبې په ورځ خبرداری ورکړی چې د هغو کسانو پر ضد به جدي اقدام وکړي چې په پوځ او دولتي ادارو بریدونه کوي.