د کوچني اختر په مناسبت د طالبانو او افغان حکومت تر منځ د اوربند اعلانول په پراخه توګه له بهرنیو هېوادنو او نړیوالو بنسټونو له خوا ستایل شوی دی.
کابل کې د متحده ایالتونو شارژدافیر په خپل اختریز پیغام کې د طالبانو له خوا د اوربند اعلانولو او ورته د حکومت مثبت جواب "افغانانو ته یوه لاسته راوړنه" بللې ده.
هغه ویلي: "راځئ چې دې موقع ته په کتو د سولې راوستلو لپاره ګټه واخلو."
Eid Mubarak! On this holiday, Muslims worldwide celebrate the end of Ramadan. The cease-fire declared by the Taliban and action by the Afghan government to match it are a special blessing for all the people of Afghanistan. pic.twitter.com/kPcFmabRV3
— Chargé d’Affaires Ross Wilson (@USAmbKabul) May 24, 2020
ناټو او افغانستان کې د غوڅ ملاتړ دفترونو هم په ټویټر پاڼو کې د اوربند هر کلی کړی او ویلي یې دي چې باید د رامنځ ته شوي فرصت نه د تل پاتې سولې لپاره ګټه واخیستل شي.
Resolute Support welcomes the announcement of an Eid cease fire by the Government of Afghanistan and the Taliban.Peace is the will of the Afghan people.Eid Mubarak!
— Resolute Support (@ResoluteSupport) May 23, 2020
د پاکستان د بهرنیو چارو وزارت هم یوې اعلامیې کې د طالبانو او افغان حکومت تر مڼځ د درې ورځیني اوربند هر کلی کړی دی.
Pakistan welcomes announcements by the Taliban and the Afghanistan Government about ceasefire on the occasion of Eid-ul-Fitr. While extending Eid greetings to our Afghan brethren, we pray for a peaceful, stable and prosperous Afghanistan.
— Spokesperson 🇵🇰 MoFA (@ForeignOfficePk) May 24, 2020
د افغانستان سولې لپاره د امریکا ځانګړي استازي زلمي خلیلزاد هم د اوربند له اعلانولو هرکلی کړی. هغه ويلي د " زندانیانو د خوشې کولو، د تاوتریخوالي بیا نه پیلېدل او د بین الافغاني خبرو د پېلېدو" په اړه باید اقدامونه تر سره شي.
خلیلزاد دا هم ویلي چې دا موقع باید له لاسه ورنکړل شي.
کابل کې د چین سفیر وانګ یي هم په خپل ټویټر پاڼې کې هیله څرګنده کړې تر څو دغه اوربند دوامداره شي.
برسېره پر دې ګنو عامو افغانانو په خواله رسنیو کې د دواړو خواوو تر منځ د اوربند هرکلی کړی او د تل پاتې سولې ټینګولو لپاره یې د دواړو خواوو نه د مثبتو اقدامونو غوښتنه کړې ده.
وسله والو طالبانو پرون ماښام (شنبه د مې ۲۳/غبرګولي ۳) اعلان وکړ چې د کوچني اختر په درې وځو کې اوبند کوي او له خپلو جنګیالیو غواړي چې دفاعي حالت غوره کړي.
ولسمشر غني هم په خپل ټویټر کې له دغه اقدام نه هرکلی وکړ او نن يکشنبه د اختر لمونځ وروسته یې په خپلې وینا کې د طالب بندیانو د خوشې کېدو لړۍ کې د چټکتیا ژمنه وکړه.