د پاکستان د کرکټ پخوانی لوبغاړي شاهد افریدي د هغه نه وروسته په یو ټویټ کې په هند نیوکې کړیدي چې د کشمیر په اړه د د هغه یوې وینا په پاکستان او هند کې بیل بیل عکس العملونه راوپارول.
شاهد افریدي د هغې نه وروسته په یو ټویټ کې په هند نیوکې وکړی چې د هغه یوه ویډیو په ټولنیزو رسنیو سخته زیاته خپره (وایرل) شوه، هغه په ویډیو کې وایي چې "پاکستان کشمیر ته ضرورت نه لري، پاکستان خپلې صوبې نشي کنټرولولی. هند ته هم کشمیر مه ورکوئ. کشمیر دې یو ازاد ملک جوړ شي. بشریت دې ژوندی وي."
د افریدي د ویډیو د خپریدو نه وروسته په هند کې په مطبوعاتو کې د هغه په څرگندونو تبصرې پیل شوې. په هند کې مبصرینو وویل چې شاهد افریدي په خپل ملک پسې ویلي دي چې خپلې صوبې نشي سمبالولی.
د هند یوه ویبپاڼه ای بي پي نیوز د افریدي وینا په داسې ټکو کې شریکه کړه:
#ShahidAfridi comments on #Kashmir; says %27#Pakistan doesn%27t need #Kashmir, it cannot even handle its 4 provinces%27https://t.co/qbyxnCY90H
— ABP News (@abpnewstv) November 14, 2018
"پاکستان کشمیر ته ضرورت نه لري. پاکستان خپلې څلور صوبې نشي کنټرولولی."
افریدي د نیوکو نه وروسته اړ شو چې د خپلو خبرو سپیناوې وکړي. هغه په دغه لړ کې په کشمیر کې د هند په رول نیوکې هم وکړی.
My clip is incomplete & out of context as what I said before that is missing.Kashmir is unresolved dispute & under brutal Indian occupation. It must be resolved as per UN resolution. Myself along with every Pakistani support Kashmiri freedom struggle. Kashmir belongs to Pakistan.
— Shahid Afridi (@SAfridiOfficial) November 14, 2018
"زما دغه ویډیو نیمگړی ده او د موضوع سره تړلی نه ده. کشمیر یوه ناحل شوې لانجمنه مسله ده او هند په ظالمانه توگه غصب کړی. پکار ده د کشمیر لانجه د ملگرو ملتونو د پریکړه لیک په اساس حل شي. زه او ټول پاکستانیان د کشمر د ازادۍ ملاتړ کوو. کشمیر د پاکستان دی."شاهد افریدي پوهیږي. پاکستانیان خپل ملک نشې کنټرولولی."
په هند کې د غبرگونونو وروسته په پاکستان کې ځینې کارپوهانو په شاهد افریدي د ملک د سپکاوې تور ولگاوه.
په پاکستان کې یو ډاکټر او د ټولنیزو رسنیو فعال سهیل چیمه په افریدي تور ولگاوه چې په هند کې د توجه لپاره دا ډول ویناوې کوي. هغه په خپل ټویټر ولیکل:
#ShahidAfridi is desperate to capture lavish Indian market, he is desperate to please Indians for selfish reasons. For his entire cricket career, he played selfish game, now cricket career is over, playing dirty game by sabotaging the respect of his country to please Indians.
— Sohail Cheema MD (@sohailcheemamd) November 14, 2018
"افریدي د هند د مطبوعاتو د توجه ترلاسه کولو لپاره داسې خبرې کوي. هغه د خپل ځان لپاره هند خوشحالوي. د خپل کرکټ د پوره دورې پر وخت هغه یواځې د خپلو گټو لپاره لوبه کړي. اوس چې نور کرکټ نه کوي نو د خپل ملک سپکاوې د دې لپاره کوي چې هند خوښ شي."
دا لمړی ځل ندی چې د پاکستان دغه پخوانی لوبغاړی د خپلو سیاسي تبصرو له کبله په رسنیو کې بحثونه پارولي دي. هغه پخوا هم په مختلفو لانجمنو موضوعاتو څرگندونې کړیدي.