د پاکستان د تحریک لبیک یا رسول الله مذهبي ډلې مشر خادم رضوي وایي چې د حکومت سره یې مذاکرات ناکامه شویدي او مظاهرو ته به دوام ورکړي.
خادم رضوي چې دا وخت په پاکستان کې د اسیه بي بي د مذهب د سپکاوې په قضیې کې د خوشې کیدو ضد د مظاهرو مشري کوي، په خپل ټویټر لیکلي دي چې د پاکستان د حکومت سره یې مذاکرات ناکامه شویدي.
هغه په یو ټویټ کې ولیکل
حکومت سے مذاکرات مکمل ناکام،مذاکرات میں وفاقی و صوبائی نمائندگان و آئی ایس آئی جنرل فیض نے شرکت کی،مذاکرات ناکامی پر حکومت نے کہا ہے کہ ہم آپ کو"بھون"دیں گے، عاشقان رسول و عوام اہل سنت ناموس رسالت پر شہادت کو کفن باندھ لیں،ہم بالکل نا جھکیں گے،کل ملک گیر پہیہ جام ہڑتال ہو گی
— Khadim Hussain Rizvi (@KhadimRizviReal) November 1, 2018
"د حکومت سره مذاکرات مکمل ناکامه شویدي. په مذاکراتو کې د پاکستان د مرکزي او د صوبایي حکومتي استاځو برسیره د آي ایس آي مامور هم گډون کړی و. حکومت راته ویلي دي چې مونږ به یو وسوځوو. د رسول عاشقان دې په سرونو کفنونه وتړي "
تروسه پورې د اسیې بي بي د پریکړې په ضد د پاکستان په بیلا بیلو سیمو کې په زرگونو کسانو مظاهرې کړیدي او د خلکو موټرو ته یې اور اچولی دی.
داسې ښیي چې د دغه گواښ په ځواب کې د پاکستان د اطلاعاتو وزیر دغه ټویټ کړی وي. فواد حسین په خپل ټویټر ولیکل چې "په ټول هیواد کې به د سحر د اتو بجو نه واخله د ماښام د اتو بجو پورې د موبایل ټلفونو خدمتونه کنگل وي."
Mobile services of Lahore Pindi ISL and Gujranwala Will be blocked from 8 am till Mughrib
— Ch Fawad Hussain (@fawadchaudhry) November 1, 2018
ښاغلي حسین د دغه ټویټ نه وروسته یو بل ټویټ هم وکړ چې پکې یې خبرداری ورکړ چې څوک دې د حالاتو د خرابولو کوښښ ونکړي. هغه دا هم وویل چې حالات د حکومت په کنټرول کې دي.
د پاکستان صدراعظم عمران خان دا وخت د چین په سفر تللی دی. ښاغلي حسین ولیکل چې عمران خان ته د هرې ثانیې خبر ورکوي.
د یادونې وړ ده چې ښاغلي خان د چین د سفر نه مخکې ملت ته په وینا کې وویل چې څوک دې د دولت سره ټکر نه اخلي کنه بد عواقب به ولري.