د امریکا د کانګرس د استازو جرګې د فلوریدا ایالت جمهوري غوښتونکی غړی ماریو دیاز-بالارت او د یوټا ایالت دموکرات غړی بن مکادمز اعلان کړی دی چې د کروناویروس کووید۱۹ په ناروغۍ اخته شوي دي.
ښاغلی دیاز بالارت چې د جمعې ورځې راهیسې په قرنطین کې و، په خپل ټویټر لیکلي دي چې اوس یې حال ښه شوی او له ټولو نه یې غوښتي چې دغه ناروغي جدي وګڼي او د بیماریو د کنټرول او وقایي د مرکز (سي ډی سي) لارښوونې عملي کړي.
I%27m feeling much better. However, it%27s important that everyone take this seriously and follow @CDCgov guidelines in order to avoid getting sick & mitigate the spread of this virus. We must continue to work together to emerge stronger as a country during these trying times. pic.twitter.com/g5W5vSQIyH
— Mario Diaz-Balart (@MarioDB) March 18, 2020
ښاغلي مکآدامز هم د کروناویروس د علایمو د لیدل کیدو وروسته د تیرې شنبې ورځې راهیسې په قرنطین کې دی. هغه د تیرې شنبې په ورځ د کروناویروس معاینه وکړه چې نتیجه یې مثبته وه.
Please read my statement on contracting #COVID19. I have self-quarantined since first having symptoms and consulted with my doctor. #utpol pic.twitter.com/upx4NcTvF8
— Rep. Ben McAdams (@RepBenMcAdams) March 19, 2020
تر اوسه د تکزاس ایالت د جمهوري غوښتونکي سناتور تېد کروز په ګډون د امریکا د متحده ایالاتو د کانګرس ۱۴ غړو په خپلو کورونو کې ځانونه په خپله خوښه قرنطین کړي دي.
د روغتیا د متخصصینو په وینا د کروناویروس د مشکوکو علایمو تر لیدل کیدو وروسته په کور کې قرنطین او استراحت او همداشان د ټولنیزو اړیکو پریکول ددې ناروغۍ د درملنې او د خپریدو د مخنیوي مهمې لارې چارې دي.