په پاکستان کې د ښځو د حقونو فعالینو د ملک په مختلفو ښارونو کې د اتم مارچ په ورځ د خپلو حقونو لپاره لاریونونه وکړل چې د هغې په ځواب کې نارینوو د خپلو حقونو غږ پورته کړ
پاکستان کې د ښځو د حقونو فعالینو میرمنو د اتم مارچ په مناسبت د کراچۍ، لاهور، اسلام اباد او په نورو ښارونو کې لاریونونه وکړل او د لاریون نوم یې عورت مارچ یعني 'د ښځو لاریون' کیښود.
د دغو لاریونو خاص خبره په لوحو لیکل شوې شعارونه و چې په پاکستان کې یې د ډیرو نارینوو او ځینو ښځو غوسه پارولې ده.
د حقونو فعالانو په لوحو ځینې داسې خبرې لیکل شوي وې چې 'نارینه دې خپل کارونه پخپله کوي' او 'ښځه د ماشومانو پیدا کولو ماشین ندی'
د دغه شعارونو په ځواب کې ځینو نارینوو په ټولنیزو رسنیو 'د نارینوو لاریون' هیش ټیگ پیل کړ او د سړو د حقونو لپاره یې غږ پورته کړ.
ځینو سړو د ښځو غوښتنو ته سخت ځواب ووایه.
Some very insecure men have organized a response to #AuratMarch — #MardMarch.This is so sad and pathetic. pic.twitter.com/FS5YltMXVT
— Sameera Khan (@SameeraKhan) March 11, 2019
په پاکستان کې هغه کسانو کې چې دغو شعارونو ته یې سخت غبرگون وښود، د حکومتي گوند یعني د پي ټي آی د گوند د پارلمان غړی عامر لیاقت حسین هم شامل و. هغه د 'ښځو لاریون د ښځو ضد' وباله.
It was a March against women in Pakistan, it was a March against about the real issues women face in Pakistan, itvwas a #HateMarchhttps://t.co/t6xr6p743U pic.twitter.com/iWWWFtnfqF
— Aamir Liaquat Husain (@AamirLiaquat) March 9, 2019
"دا د ښځو د حقونو ضد لاریون و، دا د ښځو د ریښتوني مسلو ضد لاریون و"
د نارینوو ترڅنگ ځینو ښځو هم د ښځو د لاریون او د غوښتنو ضد لیکنې وکړلې حتی د جمیعت العلما اسلام د سیاسي گوند یوې ښځینه غړې شاهده بې بې په پارلمان کې د ښځو په دغه ډول لاریونونو د بندیز غوښتنه کړیده.
خبریالې جویریه صدیقي په خپل ټویټر ولیکل چې د پاکستان د ښځو د حقونو فعالانو د غرب ایجنډا خپله کړیده او خپل کلتور یې هیر کړیدی.
اپنے والد ،شوہر،بھائی اوربیٹے کے موزے میں ہی ڈھونڈ کر دوگی ،انہیں کھانا میں ہی گرم کرکےدو گی جومجھے ملکہ اور شہزادی کی طرح رکھتےہیں میں بھی انہیں بادشاہ والی تکریم دوگی۔میرےپڑھنےلکھنےخوداپنےپیروں پرکھڑےہونےکےباوجودکمانےکےباوجود میرےگھر کاسربراہ مردہی ہے۔https://t.co/71BUy85WnF
— Javeria Siddique (@javerias) March 10, 2019
په پاکستان کې په رسنیو او په ټولنیزو رسنیو د ښځو د حقونو غوښتنې ته دغه سخت غبرگون لمړنی ځل نه دی. تیر کال هم په پاکستان کې ښځو د اتم مارچ په مناسبت لاریون کړی و خو سږ کال په لاریون کې په زرگونو ښځو گډون کړی و.
د لاریون یوې تنظیمونکې صباحت پرویز په خپل ټویټر لیکلې دی چې راتلونکې کال به دغه لاریون نور هم لوی وي.