د افغان سولې لپاره د امریکا متحده ایالاتو ځانګړی استازی وايي، له هندي مقاماتو سره یې د افغان سولې په تړاو دوه اړخیزې خبرې کړي دي.
زلمي خلیلزاد د شنبې په ورځ د «مرغومې پر ۲۲مه» پر خپل ټوېټر ویلي چې:
"زموږ هېوادونه له افغانستان سره اوږد مهاله ژمنې لري، موږ په دې اړه چې په افغانسان کې څنګه یو تلپاتې سوله ټینګېدای شي خبرې وکړې او د دوه اړخیزو او سیمه ییزو ممکنه همکاریو باندې مو هم خبرې وکړې."
Just concluded meetings in #India. The warm hospitality I received kept the winter chill at bay!Our countries share a long-standing commitment to #Afghanistan. We discussed how to help Afghans achieve enduring peace & areas of possible cooperation, both bilaterally & regionally
— U.S. Special Representative Zalmay Khalilzad (@US4AfghanPeace) January 11, 2019
ښاغلي زلمي خلیلزاد د روانې جنورۍ میاشې پر ۸ مه د افغان سولې په تړاو سیمې ته خپل څلورم سفر پیل کړ.
نوموړی لومړی هند ته ولاړ او ټاکل شوې تر هغه وروسته چین، پاکستان او افغانستان ته هم سفر وکړي.
د هند د بهرنیو چارو وزارت هم تېره ورځ وویل چې د یو باثباته افغانستان لپاره د افغان سولې له پروسې ملاتړ کوي.
هندي چارواکو همدارنګه له ښاغلي خلیلزاد سره د لیدنې پرمهال د افغان سولې په برخه کې له خپل اړخه د همکاریو ډاډ ورکړی دی.
د دغه هېواد د بهرنیو چارو وزارت ویاند رویش کومار پر خپل ټوېټر لیکلي:
"د هند د بهرنیو چارو وزیرې سوشما سواراج د افغانستان د پخلاینې لپاره د امریکا د ځانګړي استازي، ښاغلي زلمي خليلزاد سره وکتل. دواړو لوریو په افغانستان کې د سولې او پخلاینې په اړه خپل نظرونه سره شریک کړل."
EAM @SushmaSwaraj met Mr. Zalmay Khalilzad, US Special Representative for Afghan Reconciliation. Both sides shared their perspectives on peace and reconciliation efforts in Afghanistan. pic.twitter.com/P3vrf1IvJ2
— Raveesh Kumar (@MEAIndia) January 10, 2019
دا په داسې حال کېده چې تېره اونۍ د هند د پوځ مشر ویلي و چې هند هم باید له طالبانو سره د سولې په مذاکراتو کې شامل شي چې خبر شي څه روان دي.
هند له افغانستان سره تر امریکا، جرمني او جاپان وروسته څلورم لوی مرسته کوونکی هېواد دی.