د پېښور په خوشحال باغ ښوونيز مرکز کې د عامو ماشومانو تر څنګ د ذهني او جسمي اړخه یو شمېر معلول ماشومان هم زده کړې کوي. ددغه روزنیز مرکز د مسؤلینو په وینا موخه یې دا ده چې دغو ماشومانو ته داسې چاپیریال برابر کړي چې د زده کړې مساوي فرصتونه ترلاسه کړي.
سوات چې له یوې خوا د خپل طبیعي ښکلا له امله په نړۍ کې شهرت لري، له بلې خوا په زیاته اندازه د معدني موادو زیرمې هم لري. ځایي خلک د زمرد او نورو قیمتي ډبرو له کانونو څخه ګټه اخلي او د سوات سیند په غاړه د قيمتي ډبرو او سرو زرو لټون کوي..
د پېښور اوسیدونکی نیازعلي په خیبر پښتونخوا کې د لرګیو څخه د دودیزو کلتوري توکو په جوړولو کې ځانګړی مهارت لري. هغه د لرګیو څخه د لارۍ، څوکۍ، کټونو او د پوهنتون زده کوونکو لپاره د بیلابیلو پروژو په ډیزاین کولو کې ځانګړی شهرت لري.
په پېښور کې یو روزنیز مرکز نوي افغان کډوالو ته په بېلابېلو برخو کې زده کړې وړاندې کوي. ددغه مرکز مسؤلین وایي چې د ۲۰۲۱ کال په اګست کې په افغانستان کې د طالبانو د واکمنیدو وروسته، ډېری افغان نجونې له زده کړو بې برخې شوې او یو زیات شمېر یې ګاونډي پاکستان هېواد ته کډه شوي دي.
د پښتو موسيقۍ مينه وال اسلم خان د خپل کور په کتابتون کې د نادره موسیقۍ نږدې څلورزره کیسټونو او ډیسکونه ساتلې دي.
د پېښور په 'مفکوره څېړنيز مرکز' کې د افغانستان او پاکستان ترمنځ د سوداګرۍ په اړه یوه غونډه جوړه شوه وه. په دې غونډه کې د دواړو هېوادونو ترمنځ د سوداګریزو لارو د تړلو، سوداګریزو ستونزو او د تړل شوې لارو له امله رامنځته شویو زیانونو په اړه هراړخیز بحث وشو. شاهین اپریدی - امريکا غږ
د خېبر پښتونخوا په کوهاټ کې د ساینس او ټکنالوژۍ پوهنتون د افغان کډوالو لپاره د زده کوونکو سهمیه ختمه کړې، چې له امله به یې سږ کال لسګونه افغان محصلین له لوړو زده کړو بې برخې شي. د امریکا غږ خبریال شاهین افریدي په دې اړه له افغان ځوانانو سره خبرې کړې دي.
د پاکستان د معلولیت لرونکو کرکټ ټولنې د معلوماتو له مخې، پاکستان د روان کال په ډسمبر میاشت کې په هند کې په نړیوال جام کې برخه اخلي. د نړیوال جام سیالیو ته د چمتووالي په موخه په ټول هیواد کې د معلولیت لرونکو د لومړۍ او دويمې درجې ټیمونو ترمنځ سیالۍ پيل شوې
د پاکستان حکومت لخوا د نوي مالياتي نظام په ضد سوداګرو ددغه هېواد په لر او بر کې په احتجاج لاس پورې کړی او بازارونه یې تړلي دي. په دې لړ کې د پېښور 'بورډ بازار' هم د احتجاج په توګه تړل شوی دی. ددغه بازار سوداګرو ویلي چې د حکومت لخوا پر سوداګرو د اضافي مالیاتو لګول د "دوی اقتصادي وژنه ده".
په ټوله نړۍ کې د اګست مياشت د مور د شیدو ورکولو په نوم لمانځل کیږي او پدې اړه د پوهاوي غونډې جوړیږي. د روغتیايي کارپوهانو په وینا، هغه ماشومان چې د مور شیدې نه څښي، د خوارځواکۍ سربیره په بیلابیلو ناروغیو اخته کیږي.
په خېبر پښتونخوا کې افغان لارۍ چلوونکي د موقتي ټرانزيټي اسنادو د ترلاسه کولو په برخه کې له سختو ستونزو سره مخ دي. دغه لارۍ چلوونکي وايي، چې ددغو اسنادو د نه ترلاسه کولو له امله دوی نه یوازې درانه زیانونه ګالي، بلکې ځینې یې خپلو دندو پریښودو ته هم اړ شوي دي. شاهین اپریدی د امریکا غږ
په پاکستان کې د کرنې د چارو کارپوهان وړاندوینه کوي چې د اقلیم د بدلون له امله په نږدې راتلونکي کې پاکستان او افغانستان د خوراکي توکو د یو لوی بحران سره مخ کيدای شي.
د پېښور اوسېدونکی ډاکټر محبوب الرحمن د ساینسي تجربو پر بنسټ داسې دستکشې جوړې کړې چې په فلج اخته کسانو لاسونه پرې حرکت کولی شي او د کار وړ ګرځي. ویل کیږي چې د ډاکټر محبوب الرحمن له دې اختراع څخه اوسمهال په افغانستان او پاکستان کې لسګونه معلولین ګټه پورته کوي.
د باچا خان پوهنتون لخوا په افغانستان او پاکستان کې د عصري کرنې له لارې د اقتصادي ثبات او د خوراکي اړتیاوو د پوره کولو لپاره د موثرو تګلارو جوړولو په اړه درې ورځنی نړیوال کنفرانس رابلل شوی.
په ۲۰۲۱ کال د اګست په ۱۵مه نېټه، د افغانستان د جمهوري نظام له پرځېدو وروسته، طالبانو په موسیقۍ بشپړ بندیز ولګاوه. دې بندیز سلګونه افغان هنرمندان اړ کړل چې ګاونډي هیواد پاکستان ته کډه شي او هلته په بېلابېلو سیمو کې مېشت شي.
له هغه راهیسې چې د پاکستان حکومت د جولاۍ میاشتې له ۳۱ نېټې څخه له افغانستان څخه دغه هېواد ته د ورتلونکو موټرچلوونکو لپاره د داخلې د لنډمهاله اسنادو اخیستل لازمي وګرځول، تر دامهاله یوازې ۲۰ سلنه موټرچلوونکي توانیدلي چې دغه اسناد ترلاسه کړي.
په پېښور کې د افغان کډوالو په کمپونو کې یو شمېر مېرمنې د خپلو کورنیو لګښتونو د پوره کولو لپاره ټوله ورځ د غالۍ په اوبدلو تېروي، چې بیا دغه اوبدل شوي غالۍ یې په بازارونو کې په لوړه بیه پلورل کېږي. دغه مېرمنې وايي، چې نړیوال بازار ته د نه لاسرسي له امله د لږ عايد په بدل کې زیات کارکولو ته اړې دي.
په پېښور کې یوې غیر دولتي موسسې د معلولو نجونو او ښځو لپاره د حرفوي زده کړې مرکز جوړ کړی دی. دغه مرکز، معلولیت لرونکې مېرمنې نه یوازې د حرفوي زده کړو په برخه روزي، بلکې هغوی ته د ورزش په برخه کې هم روزنه ورکوي. ددغه مرکز مسؤلین وايي، چې فارغې شوې میرمنې اوس د خپلو مهارتونو پر مټ خپلواک ژوند کوي.
په پاکستان کې زیاتره افغان کډوال ماشومان د خپلو کورنیو د اقتصادي اړتیاوو له کبله ښوونځي ته له تګ محروم دي او په کم عمرۍ کې په راز راز کارونو بوخت دي. خو د دې ستونزې د حل لپاره، په خیبرپختونخوا ایالت کې یوه غیر دولتي موسسه هڅه کوي چې دغه ماشومانو ته د زده کړو زمینه برابره کړي. پ
په پېښور کې مېشت یو شمېر افغان کډوال چې د قيمتي ډبرو سوداګري کوي، وايي چې په پاکستان کي د پيسو ليږد راليږد، انټرنټ او په ټولنيزو رسنيو بنديز له کبله پيرودونکو ته لاسرسي نه لري او دغه کسب او کار زيانمن شوی دی. شاهين افريدی۔ امريکا غږ
نور پورته کول