د پېښور په کارخانو بازار کې افغاني شیریخ خپل ځانګړي مینه وال لري۔ د شيريخ جوړوونکي وايي ۱۲ ډوله شيريخ جوړولی شي او ددغه شيريخ خوړولو لپاره بيلا بيلو ځايونو څخه په سلګونو کسان دغه دوکان ته راځي. شاهین آفریدي - امریکاغږ
په پېښور کې د ځوانانو يوه ډله د پښتنو په تاريخ، کلتور، اقتصاد، جغرافيه ليکل شوي کتابونو باندې بحث کوي۔ د ځوانانو دغه ډله په دې کتابونو کې د پښتنو پر ستونزو رڼا اچوي او په اوسنيو حالاتو کې يې د حل په لارو چارو بحث کوي. د ځوانانو فکر او نظر درته د امريکا غږ خبريال شاهين افريدی وړاندې کوي۔
په پېښور پوهنتون کې د ۳۱ افغان نارينه او ښځينه محصلينو د فراغت مراسم ترسره شول۔ د لوړو زده کړو څخه فارغ شويو افغان محصلينو د راتلونکي لپاره ډیرې هيلې څرګندې کړې او ځینو خو آن د کامرې پر وړاندې خپلې اوښکې هم کنټرول نه کړی شوې۔ شاهين افريدی پرې راپور لري.
په کوزه او بره پښتونخوا کې د ناامنۍ پراخیدو له کبله د غاليو د پلور بازار ته هم تاوان رسیدلی۔ دغه کاروبار سره تړلي خلک وايي ډیری مشتریان يې د بهر هيوادونو څخه و خو اوس روزګار تر ډیره د انټرنټ پر مټ کیږي او له دغې لارې بهر هیوادونو ته غالۍ صادریږي. شاهين افريدی- امريکا غږ
په پېښور کې افغان معلولينو لپاره د جوړ شوي مرکز مسولین وایي په خېبر پښتونخوا کې په سلګونو افغان معلولینو له دوي سره نوملیکنه کړې چې ډیری یې د زده کړو او کار روزګار په څير يو شمېر ستونزو سره مخ دي۔ دوي زیاتوي چې دغه مرکز به معلولینو ته د هنر له لارې د روزګار موندلو په برخه کې هڅې وکړي۔
خانزاده اسفنديار خټک پښتون ځوان دی چې هندي کتهک او خټک نڅا يي سره يو کړې، د پښتو په ساز يي د نڅا يو نوی ډول جوړ کړی او د مورنۍ ژبې موسيقي ته یي نوی انداز ورکړی. هغه د پښتو ژبې ستر شاعر، خوشحال خان خټک د شجرې دولسم اولاد دی او د خپل هنر د لارې خلکو ته د سولې پيغام ورکوي. شاهین آفریدي پرې راپور لري.
د پېښور په اسلاميه کرکټ اکاډمۍ کې يو شمېر افغان او پاکستاني لوبغاړي وایي چې په دغه ځای کې د افغانستان راشد خان، نبي، شهزاد او د پاکستان شاهين افريدي په شان لوبغاړو لوبه کړې. ځايي لوبغاړي هیله لري چې یوه ورځ به په نړیوالو سيالیو کې د خپلو هيوادونو استازیتوب وکړي. شاهین آفریدي - امریکاغږ
د شمالي وزيرستان یو شمیر اوسیدونکي وايي په قبايلي سېمو کې ښځو ته د خبرو کولو موقع نشته او په بیلابیلو ستونزو خبرې کولو دپاره د دوي او اړوندو کسانو ترمينځ اړيکې هم نشته. د غونډې ښځینه ګډوانوالو بیا وویل چې قبايلي ځوانانو ته د روزګار او زده کړو زمينې نه دي برابرې او نجونې په کم عمرۍ کې ودیږي.
پېښور کې افغان کډوالو لپاره جوړ شوي ښوونځيو کې يواځې یو ښوونځی پاتې شوی چې پکې دا مهال ۲۸ زده کوونکي په زده کړو بوخت دي۔ د ښوونځيو مدير په وينا پخوا دغه شمېره اووه نيم زره وه۔ زده کوونکې غوښتنه لري چې ښوونځي بيا پرانستل شي ولي چې د شخصي زده کړو توان نه لري۔ شاهين افريدي امريکا غږ
په پېښور کې ۳۰ افغان معتادين د درملنې وروسته خپلو کورنيو ته وسپارل شول۔ ځيني رغيدلي معتادين په تيرو اوو کلونو کې په لومړي ځل خپلو کورونو ته ځي. دغه رغيدلي معتادين وایي چې غواړي په راتلونکي کې يو ګټور ژوند پيل کړي۔ شاهين افريدي - امريکا غږ
په پېښور کې افغان کمېشنرۍ د پاکستان او افغان کډوالو تر منځ د ټولنیز تړون د رامنځته کولو په موخه د لوبو میله جوړه کړې۔ د پاکستانيو او افغان لوبغاړو وينا ده چې په لومړي ځل داسې لوبغالي کې لوبیږي او که داسې ميلې ادامه پیدا کړي نو ډیر تکړه تکړه لوبغاړي به پکې وموندل شي۔ شاهين افريدي - امريکا غږ
د افغان کډوالو لپاره وړيا روغتيايي خدماتو او زده کړې پروژې له لارې به د خېبرپښتونخوا په ۱۳ کمپونو کې ۶۵ زره افغان کډوالو ته د روغتيا او زده کړو په برخو کې سهولتونه رامنځ ته شي. د دغې پروژې مسووله اداره وايي د خيبرپښتونخوا نورو ولسواليو ته دغې پروژې د غځولو پلان لري. شاهین آفریدي - امریکاغږ
په خيبرپختونخوا کې د بارانونو له امله د هيواد نورو برخو په سير افغان کډوال کيمپونو کې هم زيانونه اوختي دي او اکثره کورونه ړنګ شوي دي۔ دغه کيمپونو کې مېشت کډوال وايي د بيړني مرستو بې برخې پاتې دي چې له يو شمېرستونزو سره مخ دي۔ شاهين افريدی امريکا غږ
په پېښور کې ګڼ شمېر افغان ځوانان د افغانستان د استقلال د ورځې په مناسبت خوشحالۍ نمانځي۔ پېښور کې مېشت ځوانانو د افغانستان درې رنګه بيرغونه په خپلو مخونو جوړ کړي او د افغانستان په هکله نعرې وهي. شاهين افريدی - امريکا غږ
په تورخم پوله د حکومتي چارواکو او ځايي خلکو ترمينځ غونډه شوې چې پکې سوداګرو، موټرچلوونکو او عام وګړو په ستونزو خبرې شوي دي۔ ځايي خلکو غوښتنه کړې چې په تورخم پوله دې دوي ته د کاروبار موخې برابرې کړی شي او افغانستان ته په تګ راتګ کې اسانتياوې ورکړی شي۔ شاهين افريدي- امریکاغږ
د عوامي نيشنل ګوند په کوربه توب نن په پېښور کې د "پښتون قامي امن جرګه" په نوم يوه غونډه رابلل شوې وه۔ په دغه جرګه کې د ۱۱ مادو په یوې اجندا خبرې اترې شوې دي چې پکې د بیلابیلو حزبونو د مشرانو په ګډون د پښتون تحفظ غورځنګ مشر ښاغلي منظور پښتین هم برخه اخیستې وه. شاهين آفریدي- امريکا غږ
په افغانستان کې د طالبانو د واکمنۍ نن يو کال په داسې حال کې پوره شو چې د دوي له وېرې یو شمیر افغانان پاکستان ته کډوال شوي. په دغه کډوالو کې محمد قسيم او ګل اغا په څیر ۳۰ کورنې شته چې د تيرو شپږو مياشتو راهيسې د پېښور په تاج اباد سيمه کې په خيمو کې ژوند تېروي او د کور لګښت برابرولو لپاره کباړ ټولوي.
مرينه خان او يميمه خان دوه وزيريستانۍ خوېندې دي چې د ډيجيټل پليټ فارم په نوم دغه ويب سايټ له لارې يو شمېر زنانه او نارينه له نړۍ سره تړلي دي. مرينه خان او يميمه خان ځوانانو ته پيغام ورکوي چې له خپل هنر له لارې کولی شي ښه ژوند وکړي. شاهين افريدي - امريکاغږ
په پېښور کې د معتادینو د درملنې په بیلابیلو مرکزونو کې اوسمهال د ۱۳۰۰ معتادينو درملنه روانه ده چې پکې يو شمېر افغان کډوال هم پکې شامل دي۔ معتادين وايي خوشبينه دي چې له درملنې وروسته خپل عادي ژوند پيلولو ته نيږدې دي. شاهين افريدی - امريکا غږ
د کډوالو په چارو کې د ملګرو ملتونو عالي کمېشنري (UNHCR) وايي، د ۲۰۲۱ کال د اګست میاشتې راپدېخوا شاوخوا ۲۵۰زره افغانان پاکستان ته کډوال شوي دي. په دغه افغانانو کې يوه کورنۍ د عبدالغني ده۔ هغه د قانوني سند نه لرلو له وجې کار روزګار موندلو کې ستونزې لري او وايي د کور خرڅ خوراک يي په ګرانه پوره کيږي۔
نور پورته کول