د طالبانو بیا واکمنېدو سره دوه میلیونه نور افغانان ګاونډیو هېوادونو ته کډوال شوي، چې دا مهال له نامعلومه برخلیک سره مخ دي. د پناه غوښتونکو د نړیوالې ورځې په مناسبت شاهین افریدي د افغان تکواندوکارانو په اړه راپور جوړ کړی چې د قانوني اسنادو د نشتوالي له امله په ياده لوبه کې له ستونزو سره مخ دي.
د پېښور په بېلابېلو بازارونو کې نن د اختر د خریداریو وروستۍ ورځ ده. هټیوال وايي، په پاکستان کې د انفلاسیون له امله په دې اختر کې په بازارونو کې د پېرودونکو ګڼه ګوڼه کمه ليدل کيږي. دوي وايي، چې د پېرودونکو د کموالي له امله ډېرو دوکانونو ته کمپنيو د توکو رسول بند کړي دي.
د پېښور په منډيو کې سږکال د قربانۍ د څارویو بیې لوړې دي. له افغانستان څخه پاکستان ته د وړو څارویو پر واردولو بندیز لګول شوی، په داسې حال کې چې د ځايي څارویو بیې خورا لوړې دي. پېرېدونکي وايي اکثر خلک دی ته اړ شوي چې د قربانۍ لپاره درې څلور تنه څاروي په شريکه واخلي شاهين افريدی- امريکا غږ
د پېښور په"ريتۍ بازار" کې چیري چې په دودیزه توګه پکې تبر، چړې، بخارۍ، ديګونه او نور لوښي جوړیږي، د معمول په توګه د لوی اختر په مناسبت ګڼه ګوڼه زیاته وي. دغه تاریخي بازار ته د پاکستان له بيلا بيلو ښارونو څخه ګڼ شمېر خلک راځي او د قربانۍ لپاره توکې اخلي.
د خیبر ولسوالۍ په "باړه پولیس مرکز کې" د مېرمنو شکایتونو د اوریدو لپاره یو ځانګړی مرکز جوړ شوی دی، چې د مسؤلینو په وینا، د کورنۍ تاوتریخوالی، تعلیم، واده او د میراث له حقونو څخه د محرومیت په ګډون موضوعاتو ته پکې رسیدګي کیږي.
هر کال د جون ۱۲مه په ټوله نړۍ کې د ماشومانو د کار ضد ورځې په توګه نمانځل کېږي. د دې ورځې موخه په کم عمر کې د ماشومانو د کار مخنيوی او پر ضد عملي ګامونه پورته کول دي. په پېښور کې د دې ورځې په مناسبت د يوې افغانې انځورګرې نقاشۍ نندارې ته وړاندې شوي چې موخه يي د ماشومانو اساسي حقونه په ډاګه کول دي.
په افغانستان کی د طالبانو له بیا واکمنیدو وروسته پاکستان ته کډه شوې افغان نجونې د قانوني اسنادو د نشتوالي له امله له زده کړو بې برخې پاتې شوي دي. خو بلخوا، په پېښور کې يو داسې مرکز جوړ شوی چې دغو نجونو ته د سینګار او خیاطۍ روزنه ورکوي، ترڅو له دې لارې په ځان بسیا او د خپلو کورنيو ملاتړ وکړي.
په پېښور کې یوه نادولتي موسسه د افغان کډوالو په کمپونو کې د زيات عمر لرونکو نجونو نوم لیکنه کوي. د زده کړو د يو پروګرام لاندې، د کډوالو په یو کمپ کې دننه یو ښوونځی جوړ شوی ترڅو تر ۱۷ کلنو پورې افغان نجونې باسواده شي.
د پېښور په بورډ بازار کې د يو افغان بابا د عطرو پلورنځی ډېر مشهور دی. هغه له تېرو څلوېښتو کلونو راهیسې په دغه بازار کې له سلو ډېر ډوله عطرونه پلوري. وایي له اوږدې مودې راهیسې له لیرو سیمو ورته خلک راځي چې اکثر پېرودونکي يې د مدرسو زده کوونکي دي. شاهین افریدی – امریکا غږ
د جون پنځمه نېټه چې د چاپېریال ساتنې له نړیوالې ورځې سره برابره ده، سږکال پداسې حال کې نمانځل کیږي چې اقلیمي بدلونونه په نړۍ کې له سترو ننګونو څخه ګڼل کیږي. ددغې ورځې په مناسبت په خيبر ولسوالۍ کې هم د "پسرلي" په نوم يوه مشاعره جوړه شوې وه چې موخه یې د چاپیریال ساتنې په هکله د پوهاوې د کچې لوړول و.
د پېښور په بورډ بازار کې يو افغان کډوال د تصفیه شويو اوبو د ماشین په نصبولو سره نه یوازې ددغه بازار سلګونو هټیوالو ته د څښاک پاکې اوبه برابروي، بلکې ځان او نورو ته یې د يو ښه روزګار زمینه یې هم برابره کړې ده. پدغه ویډیو کې چې شاهین افریدي رالیږلې، په کې ددغه افغان کډوال کار او روزګار انځور شوی دی.
د پيښور په “بډه بير افغان کډوالو په کمپ” کې تر ۵۰ ډیرو افغان کډوالو ته د څراغ د ترمیم هنر ښودلو يوه پروژه پيل شوې. د دغې غير دولتي موسسې په مرسته به د هنر ترلاسه کولو کسانو ته په پای کې د دغه هنر د پاللو لپاره سامانونه هم ورکول کیږي. شاهين افريدی پرې راپور لري
د پېښور اوسیدونکې، ساجده سعید په پيښور پوهنتون کې رستورانت جوړ کړی. هغه وایي چې د خپل مېړه په مرسته یې دغه روزګار روان کړی او زیاتوي چې هدف یې روزګار کولو ته د پښتنو میرمنو هڅول دي. شاهين افریدی پرې راپور لري.
د لنډي کوتل سوداګر، ټولنيز او سياسي فعالان وايي چې د پاکستان او افغانستان ترمنځ د خرابو اړیکو او د سوداګرۍ د خرابې تګلارې له امله د ۲۰۲۳ کال راپديخوا سوداګرۍ کې کمی راغلی دی. دوي یې پړه د پاکستان له خوا د بېلابېلو توکو پر صادراتو بندیز، د سرحدي پولو تړل او د مالیاتو په زیاتوالي اچوي.
د ژوب اوسېدونکی شفیع الله په خپل کور کې د ځنکلي زیتون، چې په ښوون هم پېژندل کېږي، تېل باسي. هغه له خپل دغه کاره راضي دی او وایي چې نه یواځې لدې لارې اقتصادي ګټې ترلاسه کوي بلکې د سیمې خلک د ځنکلونو وهلو څخه راګرځوي. سالمین خپلواک یې په اړه راپور جوړ کړی.
تورخم پولې ته څيرمه د لنډي کوتل بازار کې ۸ لسيزې لرغونې دغې پخوانۍ قهوه خانې کې د حمزه شینواري، خاطر اپریدي، ساحل اپریدي، ناظر شینواري په څیر سترو شاعرانو مشاعری کولې. ځايي شاعرانو نن هم دغه تسلسل ساتلی او هره اونۍ دلته مشاعرې جوړوي. شاهین افریدي، امریکا غږ
د لنډي کوتل تاریخي بازار د خوندور او بیلابیلو خواړو لپاره مشهور دی. پدغه بازار کې بیا د ګل سلام ۸۰ کلنه زړه هټۍ چېري هغه پکې لوبیا پلوري، ډېر نوم لري. د نوموړي په خبره، دده هټۍ ته نه یوازې د خیبر پښتونخوا د لرې پرتو سېمو څخه خلک د لوبیا د خوړلو لپاره ورځي، بلکې په بهر کې هم مینه وال لري.
د افغانستان د کونړ ولایت اوسیدونکی ډاکټر احسان الله چې په ۲۰۲۲م کال کې یې د 'علامه اقبال' بورسونو له لارې په ګاونډي پاکستان کې د زده کړو فرصت تر لاسه کړی و، د خیبر طبي پوهنتون (کې ایم یوو) څخه د "اورال پتالوجۍ" یا د خولې رنځپوهنې په برخه کې د 'ايم فل' څخه په بریالیتوب سره دفاع وکړه.
عرفان الله د خیبر پښتونخوا اوسېدونکی چې په یوه ترافیکي پېښه کې سخت ټپي شوی له تېرو ۱۵ کلونو راهیسې په ویلچیر کې ژوند کوي. خو عرفان الله معلولیت ته ندی تسلیم شوړی او د پارالمپیک په سیالیو کې یې د هېواد استازیتوب کړی او د سرو زرو مډال یې ګټلی دی.
په خېبرپختونخوا کې د مدنې ټولني لخوا مېرمنو ته په ټولنه کې د هغوي د فعاليت لپاره جايزې ورکړل شوې چې په کې دوه افغانې مېرمنې هم شاملې دي۔ د امريکاغر خبريالې مسکا ساپۍ ته د ژورناليزم او سپوږمۍ مسعود ته د ټولنيزو فعاليتونو له کبله جايزه ورکړل شوه۔ شاهين افريدي پرې راپور لري۔
نور پورته کول