ددغه ولایت د میوند ولسوالۍ اوسیدونکی بلال احمد وایې، د یوې خیره موسسې په تشویق یې په خپله ځمکه کې د بادامو نیالګیو قوریه جوړه کړې ده چې نیالګي یې د مؤسسې له خوا په ښه بیه اخېستل کیږي او بیا په نورو بڼوالو ویشل کېږي.
د نوموړي په وینا، د بادامو حاصلات د نورو مېوو په پرتله نه یوازې په اسانۍ سره ساتل کېږي، بلکې په ملي او نړیواله کچه ښه بازار هم لري.
هغه زیاته کړه : "بادام د خپل خاصیت له کبله تر څو کلونو پوري له سړو خونو پرته په اسانی سره ساتل کیږي او د ښه مارکېټ په پیدا کیدو سره بازار ته وړاندي کیږي".
کرونده ګر وایې چې د بادامو باغونه د اوبو په کمښت کې هم وده کوي او خورا ښه حاصلات ورکوي. له همدې کبله اوس د بادامو د باغونو د ترویج لپاره د نیالګیو نوي قوریې جوړي شوي چې یو شمېر مرستندویه ادارې یې په ارزانه بیه پر کروندګرو وېشي.