ګل محمد په نوم ددغه ولایت یو کروندګر وایي، کله چې طالبانو د کوکنارو په کر کېلې بندیز ولګاوه، نو هغه په خپلو ځمکو کې غنم وکرل چې په تیرو دوو کلونو کې د غنمو د حاصلاتو او له مارکېټ څخه خوشحاله دی.
ګل محمد چې د غنمو د حاصلاتو څخه خوښ دی، وویل، تیر کال یې تور بانجان کرلي وه، خو د نباتي ناروغیو او د کافي کیمیاوي سرې د نه موجودیت له امله، ښه نتیجه یې ورنه کړه نو سږ کال یې بیرته غنمو ته مخه کړې ده.
د کروندوګرو په خبره، په جنوب لویدیځو ولایتونو کې د غنمو کښت، د تودې هوا له کبله د افغانستان د نورو برخو په پرتله ژر حاصل ته رسیږي. د دې ترڅنګ، د غنمو حاصلات په بازار کې په ښه بیه پلورل کېږي، چې د کروندګرو لپاره یې اقتصادي ګټه زیاته ده.