فدرالي قاضي ویلي جمهور رئیس ډانلډ ټرمپ دا قدرت نلري چې د سپینې ماڼۍ پخوانۍ سلاکار ډانلډ مګین او یا هم نور اوسني او پخواني چارواکي د استازو مجلس د شهادت ورکولو له غونډو معاف کړي.
کیتانجي براون جکسن د دوشنبې ناوخته حکم وکړ د سپینې ماڼۍ پخوانی سلاکار دانلډ مګین باید د ولسمشر ټرمپ د عزل کیدو د تحقیقاتو په لړ کې د استازو مجلس غوښتنې سره سم د شهادت لپاره حاضر شي.
د ټرمپ حکومت پلان لري چې ددې حکم په مقابل کې د استیناف غوښتنه وکړي.
د مګین وکیل ویلي موکل یې کولای شي د استازو مجلس غوښتنه ومني او استماعیه غونډې ته ورشي ، مگر دا چې که محکمه دغه درخواست په موقتی ډول ترهغه وخت پورې معطل کړي چې په استیناف غوښتنه حکم وشي.
دیموکراتان د جمهور رئیس ټرمپ د استیضاح په مسله کې ددغو چارواکو شهادت ډیر مهم بولي.
یوشمیر نورو چارواکو چې د شهادت ورکولو له رسمي غوښتنې سره مقاومت کړی، د بهرنیو چارو وزیر مایک پمپیو، د ملي امنیت پخوانی مشاور جان بولټن او سپینې ماڼۍ سرپرست ادارې رئیس مایک مولویني دي.
