د افغانستان د کورنیو چارو وزارت سرپرست امرالله صالح، د خپل مقام نه اسعفا وکړه.
منابعو د رویترز خبري اژانس ته ویلي دي چې ښاغلي صالح د افغانستان د جمهور رئیس اشرف غني د انتخاباتي ټیم سره د پیوستون د تصمیم په وجه استعفا کړې ده.
د افغانستان په جمهوري ریاست کې یوې منبع د رویترز اژانس ته وویل "هغه (امرالله صالح) د خپلې دندې نه استعفا کړې او ټاکل شوې چې د جمهور رئیس غني د انتخاباتي ټیم سره یوځای شي."
د یکشنبې په ورځ ښاغلي غني ته نژدې منابعو رسنیو ته وویل ټاکل شوې چې ښاغلی صالح د جمهوري ریاست په راتلونکو ټاکنو کې د اشرف غني د لومړي مرستیال په توگه معرفي شي.
شاوخوا یوه میاشت مخکې ښاغلی صالح د افغانستان د کورنیو چارو وزارت د سرپرست وزیر په توگه وټاکل شو.
امرالله صالح تر دې مخکې د پخواني ولسمشر حامد کرزي په حکومت کې د شااوخوا یوولسو کلونو لپاره د ملي امنیت عمومي رئیس و.
ښاغلی صالح په ۱۳۹۶ کال کې د ملي یووالي په حکومت کې په لوړپوړو پوځي ګمارونو کې د دولت وزیر وټاکل شو چې تر څه مودې وروسته یې استعفا وکړه.
