هند د چمپینز ټرافي په لومړي سیمي فاینل کې استرالیا ته ماتې ورکړه او د دغو سیالیو پایلوبې ته ووت.
د سه شنبې د ورځې مارچ څلورمه (کب۱۴) لوبه په دوبۍ کې وشوه.
استرالیا په ټاکل شویو ۵۰ اورونو کې د کپتان سټیفن سمیت د ۷۳ او الیکس کاري د ۶۱ منډو په مرسته هند ته د ۲۶۵ منډو هدف وټاکه.
هندي لوبغاړي محمد شامي د استرالیا تر ټولو ډېر درې لوبغاړي وسوځول.
هند د استرالیا دا هدف په ۴۹م اوور کې پوره کړ او لوبه یې وګټله.
د هند په لوبډلې کې تر ټولو ډېرې ۸۴ منډې ویرات کوهلي وکړي.
د چمپينز ټرافي دویمه نیمه پایلوبه سبا چهارشنبه په لاهور کې د جنوبي افریقا او نیوزلنډ ترمنځ ده. پاکستان د دغو لوبو کوربه دی، خو لوبډله یې په ګروپي لوبو کې له دغو سیالیو بهر شوه.
د هند کرکټ بورډ ونه غوښتل چې خپله لوبډله پاکستان ته واستوي او له همدې کبله د هند ټولې لوبې په دوبۍ کې وشوې او اوس به د چمپینز ټرافي پایلوبه هم په دوبۍ کې کېږي.
د چمپینز ټرافي پایلوبه د مارچ په نهمه نېټه ده.
فورم \ دبحث خونه