د عراق دولتي ټلوژن وایي چې صدراعظم حیدرالعبادي د اسلامي دولت د ډلې نه د موصل ښار د بیرته نیولو لپاره د عملیاتو اعلان کړی.
د عراق دولتي ټلوژن نن د دوشنبې سحر وختي یوه اعلامیه خپره کړه چې وايي د عراق حکومت د موصل د ښار د اسلامي دولت د ډلې نه د بیرته نیولو لپاره لويي پوځي عملیات شروع کوي. د یادونې وړ ده چې د موصل ښار د عراق دوئم لویی ښار دی.
د دغې ښار د نیولو عملیات به په عراق کې د اسلامي دولت د ډلې په خلاف، د ٢٠١١ کال د امریکایي عسکرو د وتلو نه ورسته تر ټولو لویې عملیات وي. او که چیرې دغه عملیات کامیاب شول نو دا به د اسلامي دولت د ډلې لپاره لویه ضربه وي.