د اسرائیل پوځ وایي وروسته تر هغه یې په غزې کې د حماس په نظامي مرکز او د راکټ توغولو یوه سیمه هوایي بمبار کړه چې د غزې نه اسرائیل لورې ته اور بلوونکي بالونونه واستول شوې.
د پوځ په اعلامیې کې ویل شوي چې دا بالونونه د اسرائیل په جنوب کې د اور بلیدو سبب شوی. د اسرائیل د اور وژنې د ادارې مسؤلین وایي چې د بالونونو له کبله د جمعې په ورځ په څلورو ځایونو کې اورونه بل شوي وو.
تر اوسه د مرګ ژوبلې په هکله څه ندي ویل شوي خو د اسرائیل د پوځ په اعلامیې کې ویل شوي چې په غزې کې د راکټ وارولو سیمه د ملکي خلکو د کورونو سره نږدې ده.
په اعلامیې کې ویل شوي چې د دې نه معلومیږي چې "حماس فلسطینینان په خطر کې اچوي. "
د حماس او اسرائیل تر منځ د مۍ د میاشتې د ۲۱ مې نیټې اوربند راهیسې د دواړو تر منځ څو نورې پیښې هم شوي چې د اور بلوونکو بالونونو استول هم پکې شاملې دي.
د اسرئيل او حماس تر منځ په جګړې کې ۲۶۰ فلسطینیان ووژل شول چې د غزې د چارواکو په وینا یو څو تنه یې وسله وال هم وو.
خو په اسرائیل کې بیا پولیس او پوځ ویلي چې د حماس د راکټونو په بریدونو کې یوازې ۱۳ کسان وژل شويچې یو یې د اسرائیل عسکر و.
د غزې نه په اسرائیل اور بلوونکي بالونونه پداسې وخت کې لیږل کیږي چې یوه ورځ وړاندې په لبنان کې د حزب الله وسله والې شعیه ډلې په اسرائیل توغندي وار کړل او د اسرائیل هوایي ځواکونو په ځواب کې په لبنان هوایي بریدونه وکړل.
حزب الله چې ایران یې تر شا ولاړ دی،د حماس ملګرې ډله .
