افغانستان له بېلابېلو هېوادونو سره ښې اړیکې لري.
نوموړي همدارنګه زیاته کړه چې په همکارۍ سره همغږي رامنځته کېږي چې له امله یې د اسیا زړه اوس د اسیا څلور لاری شو."موږ په بې سابقه انعطاف او بې سابقه طرحو سره خپلو ګاونډیانو ته په ځانګړي ډول پاکستان ته مراجعه وکړه، ورته مو وویل، له جنګ او تاوتریخوالي هیڅ طرف ته ګته نه رسېږي. افغانان ستاسو ښه دوستان جوړېدای شي، خو هیڅکله ـ هیڅکله هم په یو نابرابره اړیکې کې له چا سره نشي داخلېدلی."
د سولې په اړه نړیوال شرایط چمتو شوي
نوموړي همدارنګه زیاته کړه چې په تېرو څلورو کلونو کې د افغان سولې په اړه ټول نړیوال شرایط چمتو شوي او په دې برخه کې ټول خنډونه او بهانې له منځه وړل شوي دي.
"د افغانستان د جنګ په اړه مو د اسلامي نړۍ نظر بدل کړی دی."
طالبانو ته قید او شرط پرته د خبرو وړاندیز
ولسمشر غني د مشورتي لویې جرګې ګډونوالو ته وینا کې وویل، چې له وسله والو طالبانو سره د سولې خبرو کې مخکني وړاندې شوي شرطونه له منځه وړل شوي او طالبانو ته یې له قید او شرط پرته د خبرو وړاندیز وکړ.
هغه وویل:د کابل لخوا به طالبانو سره د سولې د خبرو اترو د پیش شرط په توګه وړاندې کېدل، هغه مو له منځه یوړل او طالبانو ته مو خواست وکړ چې هر ځای درسره خبرو ته چمتو یوو. بې له کوم قید او شرط درسره خبرې کوو.
طالبانو ته د ولسمشر غني چلنچ
نوموړي همدارنګه زیاته کړه چې، طالبانو ته په اسلامیت او افغانیت سره چلنج ورکوي، که چیري د دوی په منځ کې د پردیو خبر نه وي له افغان ملت او افغان دولت سره له مذاکراتو څه وېره لري.
نوموړي زیاته کړه: هغوی چې طالبان یې پخپل ذهني او ستراتیژیکه قبضه کې نیولي دي څوک دي. موږ حاضر یو چې له دغه اسارت څخه د هغوی په ایستلو کې ورسره مرسته وکړو.