ولسمشر غني د سولې مشورتي لویې جرګې ته په وینا کې: نن زه د لویې جرګې په دې تالار کې یو نوی افغانستان وینم، ځوان رهبران، ښځې او د ټولنې معزز دیني علما او سپین ږیري وینم.
دا زما لپاره د ویاړ او خوښۍ ځای دی، چې د ټول افغانستان څخه د ولس درې زره استازي د یو با عزته چتر لاندې طالبانو سره د مذاکراتو د حدودو او چوکاټ ټاکلو په خاطر سره راټول شوي دي.
نن د ټول ملت سترګې د سولې دغې عظیمې مشورتي جرې ته دي.
ولسمشر غني د سولې مشورتي لویې جرګې ته وینا کې: په دغه ځای کې موږ ۱۸ کاله پخوا د خپلو استازو له لارې په اضطراري لویه جرګه کې د نوي افغانستان د نوي مسیر بنسټ کېښود، لکه تاسې چې نن دلته تشریف لرئ، هغوی هم په ډېر شوق، مینې او محبت سره نړۍ ته د یو متحد او یو موټي افغانستان پیغام ورکړ.
ولسمشر محمد اشرف غني د سولې مشورتي لویې جرګې ته وینا کې وویل، د دې لپار چې له طالبانو سره د مذاکراتو یو چارچوب او حدود وټاکل شي، سوله تعریف شي او سولې ته د رسېدو پر لارو چارو بحث وشي او نظرونه شریک شي.
نوموړي زیاته کړه چې افغان حکومت د سولې تګلاره او مذاکرات تکمیل کړي او هڅه به وکړي چې له ټولو دولتي امکاناتو څخه یاد هدف ته د رسېدو لپاره استفاده وکړي.
ولسمشر غني همدارنګه زیاته کړه چې، د لویې جرګه تر ټولو کوچني لاسته راوړنه به داوي چې د افغانستان له ګوټ ګوټ څخه ۳ زره تنه یو له بل سره اشنا کېږي.
هغه همدارنګه وویل، چې یاد کار د دولت د او ملت د پایو د قوي کولو لپاره ډېر مهم ګام دی.
