د امریکا د متحده ایالتونو ولسمشر نه یواځې د ولسمشرۍ په دوران کې بلکې له هغې وروسته هم د ګڼو امتیازاتو څخه برخمن وي.
اوس مهال د امریکا د ولسمشر کلنۍ تنخواه ۴ لکه ډالره ده چې د کال ۱۷۸۹میلادي راهیسې پنځه برابره زیاته شوې ده.
د امریکا لومړۍ ولسمشر جورج واشنګټن او له هغه وروسته ۱۷ نورو ولسشمرانو ۲۵۰ زره ډالر تنخواه اخیستې وه.
د ولسمشر په تنخواه کې دغه بدلون جورج ډبلیو بوش په کال ۲۰۰۱ کې راووست او هغه یې ۴ لکو ډالرو ته ورسوله چې اوس هم یو ولسمشر همدغومره تنخواه اخلي.
د ولسمشر د تنخواه زیاتولو او کمولو په اړه پریکړه د امریکا کانګرس کوي.
نور امتیازات:
د امریکا ولسمشر په وړیا توګه په سپینې ماڼۍ کې ژوند کوي، لسګونو خدمتګاران او اشپزان لري.
د ورزش لپاره ځانګړی ځاې، ۲۴ ساعته امنیتي موظفین او د ترانسپورت ځانګړې وسیلې یې په خدمت کې وي.
د ولسمشر ځانګړې الوتکه (Air Force One) د هغه ځانګړی هیلیکوپټر (Marine One)او د ځانګړی لیموزین چې د مرمۍ او بم ضد دی (The Beast) نومیږي.
د امریکا هغه پخواني ولسمشران چې لا ژوندي دي، هر کال ۲۱۳ زره ډالر خپل تقاعد تر لاسه کوي چې نن سبا د امریکا د متحده ایالاتو د یو برحاله وزیر له تنخواه سره برابره ده.
له دې برسیره د تیرو ولسشمرانو د سفر ټولې خرچې د دولت له خوا ورکول کیږي او د امریکا په هر ایالت کې چې وغواړي دفتر درلودلای شي.