کپتان سټیف سمیت او مرستیال یې ډیوډ وارنر د جنوبي افریقا سره په یوې لوبې کې د توپ د خرابولو هڅه کړې وه چې رسوا شول.
دا رسوایي د اسټرالیا د کرکټ په تاریخ کې تر ټولو بده وګڼل شوه.
د اسټرالیا کرکټ بورډ وایي چې مرستیال کپتان وارنر د بال خرابولو پلان جوړکړی و او یو لوبغاړې بینکرافټ ته یې ویلي و چې د ځان سره میدان ته ریګمال ته ورته یو شی یوسي چې توپ خراب کړي. دغه کار ته د کرکټ په اصطلاح (Ball Tampering ) ویل کیږي.
سمیت به تر دې وروسته هیڅ وخت د اسټرالیا د کرکټ ټیم کپتاني ونشي کړی. دغه کار د اسټرالیا ځوان لوبغاړي بینکرافټ کړی خو هغه اعتراف وکړ چې د کپتان او نورو لوبغاړو په سلا یې دا کار کړیدی. اوس هغه هم د نهو میاشتو لپاره د لوبې نه منع شوی.
د کرکټ په نړیوالو قوانینو کې د توپ خرابول سخته سزا لري. د توپ د خرابولو دغه ویډیو په سلگونو کسانو شریکه کړیده.
FULL VIDEO OF @cbancroft4 #BALLTAMPERING. There is no doubt. From the yellow item down the trousers to @darren_lehmann sending a message on-field GUILTY! @officialcsa @ESPNcricinfo @icc BAN AND FINE should have changed ball #savaus pic.twitter.com/8LLToUECWa
— Neal Collins (@nealcol) March 24, 2018
د کرکټ مینه والو او مبصرینو د اسټرالیا د کرکټ لپاره د ډیر خپگان او شرم وړ ورځ بللې ده.
Here%27s my take on the ball-tampering disgrace for @TheNewDailyAu ... ‘It will forever brand us as cheats’: Australia’s sporting shame | The New Daily https://t.co/qvT1g9j52g
— Rohan Connolly (@rohan_connolly) March 25, 2018
اسټرالیا یو خبریال روهن کینولي په یوې مقالې کې لیکلي دي چې دا به د کرکټ په نړۍ کې د اسټرالیا حیثیت ته سخت تاوان ورسوي.
د کرکټ مبصرین وایي چې د اسټرالیا د کرکټ بورډ بندیزونه د نړیوالې شورا د بندیزونه نه زیات سخت دي او دا چې نړیوالې شورا هغومره اقدامات ندي کړي څومره چې په دا ډول پیښو کې تمه کیږي.
تر دې مخکې ځینو نورو مشهورو نړیوالو لوبغاړو لکه شاهد آفریدي، سچن ټنډولکر، فاف دوپلیسي، وسیم اکرم او نورو هم دا ډول کار کړی او سزاوې یې لیدلي دي.