د افغانستان کرکټ بورډ وايي چې پر بیټسمین او ویکټ کیپر محمد شهزاد محمدي باندې یې د لوبې نه کولو بندیزونه لرې کړی دي، خو بورډ سره به د محمدي تړون باندې بندیز د ۲۰۲۰ زېږدیز کال تر اګیسټ میاشتې پورې پاتې وي.
کرکټ بورډ په یو ټویټ کې چې نن چهارشنبه (د کب ۷مه) خپور شوی په دې اړه یې ویلي چې له دې وروسته چې شهزاد محمدي د بندیزونو د لرې کېدول لپاره د یادې ادارې مشرتابه ته غوښتنه وکړه، دغه غوښتنه ومنل شوه.
ACB Discipline Committee lifts playing ban on Wicket-Keeper Batman @MShahzad077 after Chairman @Farhan_YusEfzai accepted his (MS) mercy appeal but, his contract ban will continue till the imposed date August 2020. pic.twitter.com/vrHxxvhRO9
— Afghanistan Cricket Board (@ACBofficials) February 26, 2020
د شهزاد محمدي قضیه اوه میاشتې مخکې هغه مهال رسنیزه شوه چې یو شمېر پاکستاني رسنیو اعلان و کړ چې دغه لوبغاړي پاکستان کې په نا قانونه توګه لوبې ته تللی دی.
د افغانستان کرکټ بورډ د ډیسیپلین کمیټې د روان هجري لمریز کال د زمري میاشتې پر ۱۹ د شهزاد محمدي تړون تر نا معلوم وخت پورې وځنډاوه.
کرکټ بورډ د دغه کار لامل د اصولو نه د شهزاد محمدي د پرله پسې سرغړونو له امله ښودلی و.
اوس مهال شهزاد محمدي په بیلابیلو کورنیو او نړیوالو لیګونو کې لوبې کولی شي خو د قرارداد پرته په د دغه لوبغاړي لوبه پرته له معاشه وي.